შოკოლადს სიამოვნების მონიჭება შეუძლია, რადგან სიამოვნების ჰორმონის, დოფამინის გამომუშავებას უწყობს ხელს. თუმცა დეპრესიის დროს არ გეხმარებათ, პირიქით ზოგჯერ კრიზისს გიძლიერებთ კიდეც. ამის შესახებ ინფორმაციას ავსტრალიელი მეცნიერები ავრცელებენ.

მათ ჩაატარეს კვლევა, მოხალისეთა მონაწილეობით, რომლებიც ორ ნაწილად დაჰყეს. პირველ ჯგუფში შედიოდნენ ადამიანები, რომლებიც რეგულარულად იღებდნენ შოკოლადს. მეორე ჯგუფში კი მხოლოდ ისინი, ვინც შოკოლადს მოწყენილობის დროს მიირთმევდა.

პირველი ჯგუფი პროდუქტისგან უბრალოდ სიამოვნებას იღებდა, მეორე ჯგუფის წევრები კი შოკოლადში დეპრესიის, სტრესისა და მოწყენილობისგან შველას ეძებდნენ.

როგორც გაირკვა, შოკოლადი დეპრესიის დროს მხოლოდ დროებით შველის და გარკვეული დროის გასვლის შემდეგ დეპრესია ძლიერდება.

შოკოლადი ტვინის იმავე უჯრედებზე ახდენს გავლენას, რაზეც სეროტონინი. მაგრამ ანალოგიური ეფექტის მისაღებად ადამიანს პროდუქტის დიდი რაოდენობით მიღება სჭირდება, თანაც პოზიტიური განწყობა მალევე იკარგება.

ლეა ხიმშიაშვილი