ერთ-ერთ მთავარ პერსონაჟს, ილმაზს, მსახიობი უღურ გუნეში ასრულებს, რომლისთვისაც აღნიშნულ სერიალში შესრულებული როლი, კარიერაში მთავარი წარმატებაა.
33 წლის უღურს შესრულებული აქვს როლები სერიალებში Urfalıyam Ezelden და Diriliş: Ertuğrul. ამ უკანასკნელისთვის მან 2018 წელს თურქეთის საუკეთესო მსახიობის ჯილდო მიიღო. მიუხედავად ამისა ხალხის აღიარება და სიყვარული მას „ერთხელ ჩუქუროვამ“ მოუტანა.
უღურმა ბავშვობა ანკარაში გაატარა. ჰყავს
არ არის დაქორწინებული და როგორც ცნობილია, მისი გული თავისუფალია, ყოველ შემთხვევაში, თავად ამბობს, რომ ამ ეტაპზე მას საყვარელი ქალი არ ჰყავს, თუმცა თურქულ პრესაში წერენ, რომ სასიყვარულო ურთიერთობა აქვს მომღერალ რეიჰან ჯანსუსთან.
აღსანიშნავია, რომ რამდენიმე დღის წინ უღურ გუნეშმა სერიალი „ერთხელ ჩუქუროვაში“ დატოვა, მას კონტრაქტი ამოეწურა და აღარ ისურვა სერიალში მონაწილეობის გაგრძელება, რაც ნამდვილ სკანდალად იქცა. სერიალის მაყურებლებმა ის გააკრიტიკეს და სოციალურ ქსელებში წერდნენ, რომ საქმე ბოლომდე არ მიიყვანა, თუმცა თავად მსახიობი მიიჩნევს, რომ ილმაზის როლში საკუთარი თავი ამოწურა და ახლა ახალი გამოწვევების დროს.
ცნობილია, რომ უღურ გუნეში ახალ სატელევიზიო პროექტში აპირებს მონაწილეობის მიღებას, თუმცა ჯერჯერობით, პროექტის შესახებ დეტალები არ ხმაურდება.
