ოჯახი კარტოფილს მთელი ზამთარი სახლის სარდაფში ინახავდა, რაც მათთვის დიდი შეცდომა აღმოჩნდა.
42 წლის მიხეილ ჩელიშევი სარდაფში კარტოფილის ამოსატანად გაეშურა, არც კი იცოდა, რომ უკვე დამპალიყო. როცა გარკვეული დროის შემდეგ მამაკაცი არ დაბრუნდა, მის საძებნელად ცოლი, ნასტია წავიდა.
მათი 18 წლის ვაჟი, გიორგიც სარდაფში ჩასვლით მესამე მსხვერპლი გახდა. ნასტიას დედამ, ირაიდამ დასახმარებლად მეზობელს დაუძახა, თუმცა ვეღარ მოითმინა და სარდაფში ისიც ჩავიდა.
ამ ინციდენტიდან ერთი თვის შემდეგ ანალოგიური შემთხვევა მოხდა ციმბირის საწყობში. ბაზის უფროსმა 4 მტვირთავს გაფუჭებულ კარტოფილთან მუშაობა დაავალა.
"შენობაში გაფუჭებული ბოსტნეულის სუნი იგრძნობოდა. ეს კი საშუალებას გვაძლევს იმ ფაქტს დავერყდნოთ, რომ ადამიანები გაფუჭებული კარტოფილისგან გამოყოფილი მომწამვლელი ნივთიერების გამო დაიღუპნენ" - ეს რუსეთის საგამოძიებო კომიტეტის განცხადებაში ეწერა.
კარტოფილი გლიკოალკალოიდის ნივთიერებას შეიცავს - ტოქსიკური ნაერთი, რასაც გამოიმუშავებს ბოსტნეული, გარკვეული დროის შემდეგ და განთავსებულია მის კანქვეშ.
ეს ნივთიერება შესაძლოა თავის ტკივილის, დიარეას, რთულ შემთხვევაში კი კომის და სიკვდილის მიზეზიც კი შეიძლება გახდეს. ბოსტნეულის მომზადებისას, გლიკოალკალოიდი ნაწილებად იშლება.
ლეა ხიმშიაშვილი
