მიუხედავად იმისა, რომ ქსოვილიდან ლაქების ამოსაყვანი სხვადასხვა თანამედროვე საშუალება არესებობს, ბევრს მაინც დროისა და ხალხის მიერ გამოცდილი რეცეპტები ურჩევნია. აი, რამდენიმე მათგანი:

ბამბის ქსოვილი

10 ლიტრი წყლისთვის დაგჭირდებათ 2-3 სადილის კოვზი სარეცხი ფხვნილი და ამდენივე სკიპიდარი. ქსოვილი ჩაალბეთ მიღებულ ნაზავში და გააჩერეთ 5 საათით. შემდეგ ჩვეულებრივ გარეცხეთ.

ცხვირსახოცები

დაბინძურებული ცხვირსახოცები ჩაალბეთ მარილიან ცივ წყალში (1 ლიტრ წყალზე 1 ჩაის კოვზი მარილი).

წინდები

ბამბის ქსოვილის წინდები უფრო სუფთა და რბილი გახდება, თუ მათ 1-1,5 საათით თბილ მარილიან წყალში ჩაალბობთ (1ლიტრ წყალზე 2 ჩაის კოვზი მარილი).

თეთრეული

თეთრეული პირვანდელ სიქათქათეს დაიბრუნებს, თუ მას ორიოდე საათით ბორის მჟავას ხსნარში ჩაალბოთ. ამისთვის 10 ლიტრ წყალში გახსენით 1-2 სადილის კოვზი ბორის მჟავა.

უთოს ლაქა

თეთრ ქსოვილზე უთოსგან დატოვებული ლაქის მოშორებაში ჩვეულებრივი თავი ხახვი დაგეხმარებათ, საკმარისია ხახვით გაწმინდოთ დალაქავებული ადგილი და შემდეგ ჩეულებრივ გაწმინდოთ.

სოფიო ბულაური