შემოგთავაზებთ მარტივ ხრიკებს, რომლებიც ფეხსაცმლის მოვლაში დაგეხმარებათ.
ქათქათა ლანჩები
კბილის პასტა მხოლოდ კბილებს როდი ათეთრებს, ის ბოტასების თეთრი ლანჩების გაქათქათებაშიც დაგეხმარებათ. ძველ კბილის ჯაგრისს წაუსვით კბილის პასტა და გულდასმით გაწმინდეთ ბოტასების ლანჩები.
ეს ხერხი შეგიძლიათ
როგორ გავწმინდოთ ტყავის ფეხსაცმელი
ტყავის ფეხსაცმლისთვის გამოგადგებათ სამედიცინო სპირტი. ოღონდ აუცილებლად მიაქციეთ ყურადღება - თქვენ დაგჭირდებათ არა ეთანოლი, არამედ იზოპროპანოლი. თუ ფეხსაცმელს რაიმე ლაქა დაეტყო, გაწმინდეთ დალაქავებული ადგილი იზოპროპანოლში დასველებული ბამბით და გააჩერეთ ნახევარი საათით.
მოაშორეთ არასასიამოვნო სუნი
არასასიამოვნო სუნის თავიდან ასაცილებლად საღამოს ფეხსაცმელში ჩაყარეთ ცოტაოდენი საკვების სოდა, დილით კი გადმოფერთხეთ - საკვების სოდა შთანთქავს უსიამოვნო სუნს.
მანიკიურის ქლიბი
ზამშის ფეხსაცმლიდან ჭუჭყსა და ლაქებს კარგად აშორებს ფრჩხილების ქლიბი. უკეთესი ეფექტისთვის ჭუჭყიანი ადგილები ჯერ მშრალი ჩვრით გაასუფთავეთ, შემდეგ კი ფრჩხილების რბილი ქლიბით გაწმინდეთ, ოღონდ მსუბუქად წაუსვით.
ძმარი
ძმარი ანეიტრალებს უსიამოვნო სუნს და ტექნიკურ მარილს, რომელსაც ყინვისას გზებზე ყრიან. 1/3 ფინჯანი ძმარი გააზავეთ 1 ლიტრ წყალში, მიღებულ ხსნარში კარგად დაასველეთ ნაჭერი და გაახვიეთ მასში ფეხსაცმელი, სულ მცირე, ორი საათით, შემდეგ ჩვეულებრივი სველი ჩვრით გაწმინდეთ და ბუნებრივად გააშრეთ.
გააპრიალეთ ლაქის ფეხსაცმელი
ლაქის ფეხსაცმლის გაპრიალებაში ვაზელინი დაგეხმარებათ. წაუსვით ის გასუფთავებულ მშრალ ფეხსაცმელს და გააპრიალეთ, განსაკუთრებული ყურადღება დაუთმეთ ნაკაწრებს.
შვრიის ფქვილი ცხიმიანი ლაქების წინააღმდეგ
ცხიმიან ლაქებს, რომლებიც ხშირად ჩნდება ზამშის ფეხსაცმელზე, ადვილად მოაშორებთ შვრიის ფქვილით. ცოტაოდენი შვრიის ფქვილი შეაზილეთ დალაქავებულ ადგილს და გააჩერეთ ნახევარი საათით. შემდეგ კი სუფთა ჩვრით გაწმინდეთ.
ფეხსაცმლის გაწევა ფენის მეშვეობით
ვიწრო ფეხსაცმელი იდეალურად და კომფორტულად რომ მოგერგოთ, ჩაიცვით წინდები ჩაყავით ფეხები ფეხსაცმელში და ფენის მეშვეობით ცხელი ჰაერის ნაკადი მიუშვირეთ. ტყავი შერბილდება, გაიწევს და ფეხზე უკეთ მოგერგებათ.
ფეხსაცმლის გაწევა ყინულის მეშვეობით
ფეხსაცმლის გაწევის კიდევ ერთი ხრიკი ყინული გახლავთ. აიღეთ ორი წყალგაუმტარი შესაკრავიანი ცელოფნის პაკეტი, ჩაასხით წყალი, ჩააწყვეთ ფეხსაცმლის ცხვირებში და შედეთ საყინულეში. დილით გამოიღეთ და დაელოდეთ, ვიდრე ყინული თავისით გადნება.
ზუმფარის ქაღალდი მოცურების წინააღმდეგ
ახლი ფეხსაცმელი რომ არ მოგიცურდეთ და უხერხულ მდგომარეობაში არ აღმოჩნდეთ ან არ დაშავდეთ, სანამ ჩაიცვამთ, ლანჩებზე ზუმფარის ქაღალდი გაუსით.
წყლულები რომ არ გაგიჩნდეთ
ახალმა ფეხსაცმელმა ფეხი რომ არ გადაგიყვლიფოთ და წყლულები არ გაგიჩინოთ, პრობლემურ ადგილებზე ჩვეულებრივი დეზოდორანტი წაუსვით.
შეატყუპეთ თითები
ყველამ იცის, რომ ყველდღე მაღალქუსლიანი ფეხსაცმლით სიარულიმა შეიძლება ტერფის დეფორმირება გამოიწვიოს. ფეხსაცმლის ვიწრო ქუსლმა ფეხი რომ არ გატკინოთ, ჩვეულებრივი "პლასტირის" დახმარებით ფეხის თითები შეიტყპეთ, როგორც ეს სურათზეა ნაჩვენები. რა თქმა უნდა, ამ მეთოდის ხშირად გამოყენება არ ღირს, მაგრამ საგანგებო საღამოსთვის, მით უმეტეს, თუ ახალი ფეხსაცმელი გაცვიათ, ნამდვილად გამოგადგებათ.
წყალგაუმტარი ფეხსაცმელი
ეს რჩევა ერთნაირად გამოგადგებათ როგორც ტყავის, ისე ნაჭრის ფეხსაცმლისთვის. წაუსვით ფეხსაცმელს ფუტკრის ცვილი. საკმარისია ძალიან თხელი ფენა - ფეხსაცმელში წყალი არ გაჟონავს.
დაიამეთ წყლულები
თუ ფეხსაცმელმა ფეხები მაინც გადაგიყვლიფათ და წყლულებიც გაგიჩნდათ, ჩაი გიშველით.
დაითბილეთ ფეხები ჩაის ნაყენში - ეს ტკივილსაც მოგოხსნით და შეშუპებასაც.
სოფიო ბულაური
