სინგაპურელმა მეცნიერებმა ადამიანის ტემპერამენტის კვლევისას აღმოაჩინეს ურთიერთკავშირი სიცოცხლის ხანგრძლივობასა და ტემპერამენტის ისეთ თავისებურებას შორის, როგორიცაა მოთმინება.

მედიცინის თვალსაზრისით, ეს, ერთი შეხედვით, სრულიად წარმოუდგენელია.

ტესტი ძალიან მარტივი იყო: ქალებს შესთავაზეს აეღოთ 100 დოლარი მაშინვე ან ცოტა მოეცადათ და აეღოთ უფრო მეტი. ვინც მაშინვე აიღო ფული, ის სულსწრაფთა კატეგორიაში აღმოჩნდა.

შემდეგ ცდის პირებს უღებდნენ სისხლს და იკვლევდნენ ტელომერების სიგრძეს ლეიკოციტების უჯრედებში - სულსწრაფი ქალბატონების ტელომერების სიგრძე ურო ნაკლები აღმოჩნდა, ვიდრე მათი, ვისაც მოთმინების უნარი ჰქონდა.

ტელომერების სიგრძე, როგორც ცნობილია, მეტყველებს სიცოცხლის პოტენციურ ხანგრძლივობაზე. მეცნიერებმა ამ დამთხვევის ამოხსნა ჯერჯერობით ვერ შეძლეს.

საინტერესოა ის ფაქტიც, რომ მამაკაცებში ეს კანონზომიერება ვერ აღმოაჩინეს.

სოფიო ბულაური