აღმოჩნდა, რომ ღამით ხელოვნური განათება უარყოფითად მოქმედებს ადამიანის ორგანიზმზე. უფრო მეტიც, მობილური ტელეფონისა და საყოფაცხოვრებო ტექნიკის შუქსაც კი ჰქონია მნიშვნელობა.
მედიკოსების აზრით, ეს უკავშირდება გამოსხივებას, რომელიც არღვევს ცირკადულ რიტმს. ხელოვნური განათება შეიძლება ჰორმონალური ცვლილებების კატალიზატორად იქცეს.
ჰორმონალური ცვლილებები ზრდის ონკოლოგიური დაავადებების რისკის და ანელებს მეტაბოლიზმის პროცესს, ეს უკანასკნელი, თავის მხრივ, არა მარტო სიმსუქნის მიზეზი ხდება, არამედ ორგანიზმის იმუნურ რეაქციებსაც აქვეითებს.
ხელოვნური განათება, ასევე, ხელს უშლის მელატონინის გამომუშავებას,
სწორედ ამიტომ არ შეიძლება საწოლში კითხვა, ღამით კომპიუტერთან ჯდომა. ნორმალური ძილისთვის სიბნელე აუცილებელია, ოთახში არაფერი არ უნდა ენთოს და ციმციმებდეს.
სოფიო ბულაური
