საიუველირო ნაკეთობები და სამკაულები დროთა განმავლობაში პირვანდელ პეწსა და ბრწყინვალებას კარგავს. მათ გაპრიალებას შინაურ პირობებში ადვილად შეძლებთ.
დაგჭირდებათ:

1 სადილის კოვზი მარილი.

1 სადილის კოვზი საკვების სოდა.

1 სადილის კოვზი ჭურჭლის სარეცხი საშუალება.

1 ჭიქა წყალი.

1 ნაჭერი ფოლგა.

როგორ გავაპრიალოთ:

წყალი 1-2 წუთით მიკროტალღურ ღუმელში შეათბეთ.
აიღეთ პატარა ჯამი ან ჭიქა, ჩააფინეთ ფოლგა, ჩაასხით გაცხელებული წყალი, დაამატეთ მარილი, სოდა და ჭურჭლის სარეცხი საშუალება, ჩააწყვეთ საიუველირო ნაკეთობები და 5-10 წუთით გააჩერეთ. შემდეგ ამოიღეთ, ცივ წყალში გაავლეთ და რბილი მშრალი ქსოვილით გაამშრალეთ.

სოფიო ბულაური