გასული საუკუნის 90-იანი წლების დსაწყისში ამერიკელი ქალბატონის, სალის ქმარი ჰოსპიტალ VA Medical-ში-ში
ფსიქოლოგად მუშაობდა. ამ კლინიკის პაციენტების უმრავლესობა ცხელ წერტილებში ნამყოფი ჯარისკაცები და ვიეტნამის ომის ვეტერანები იყვნენ.
"ერთ საღამოს ჩემი ქმარი შინ დიდი, სქელი საქაღალდით დაბრუნდა. ასობით გვერდზე წარმოდგენილი იყო მთავრობის შეკვეთით ჩატარებული კვლევების შედეგები. ის გაოგნებული იყო იმით, რასაც კითხულობდა. იმ საღამომ მთელი ჩვენი ცხოვრება შეცვალა. ჩემმა ქმარმა, რომელიც ყოველთვის
ვიეტნამის ომის დროს ამერიკის სპეციალური სამხედრო ძალების წარმომადგენლები მეცნიერებთან ერთად ინდიელთა რეზერვაციებს ათვალიერებდნენ და მომავალ ნიჭიერ მზვერავებს ეძებდნენ - ახალგაზრდა, ძლიერ მამაკაცებს, რომლებსაც მოქნილად და უხმაუროდ გადაადგილება შეეძლოთ.
ექსპერტები საუკეთესოთა შორის საუკეთესოებს არჩევდნენ და სპეციალურ რაზმებში ანაწილებდნენ. ცხადია, ახალწვეულებს თმას პარსავდნენ. სწორედ აქედან იწყებოდა უცნაური ამბავი.
ფრონტზე მიხვედრისას ინდიელთა ნიჭი და უნარი სადღაც ქრებოდა, ისინი იმედებს ვერ ამართლებდნენ.
მთავრობამ მიზეზების ძიება დაიწყო და შესაბამისი კვლევებისთვის ათობით მილიონი დოლარი დახარჯა. კვლევების შედეგად დადგინდა, რომ მიზეზი სამხედრო ვარცხნილობა - გადაპარსული თავი იყო. მეცნიერები მივიდნენ დასკვნამდე, რომ სწორედ თმა ინახავს მახვილ შეგრძნებებსა და ექსტრასენსორულ ინფორმაციას.
პენტაგონის საიდუმლო კვლევების ცენტრში მიჰყავდათ ნიჭიერი ინდიელები, რომლებიც წარმატებით აბარებდნენ ყველა ტესტს, შემდეგ ეტაპობრივად უმოკლებდნენ თმას და ისევ ცდიდნენ. აღმოჩნდა, რომ რაც უფრო უმოკლებდნენ თმას, მით უფრო იკარგებოდა მათი უნარები და სამყაროსთან განსაკუთრებული კავშირი.
შემდეგ გამოკვლევები ევროპელების შთამომავალ "ჩვეულებრივ" ამერიკელებსაც ჩაუტარეს.
ტესტი დაახლოებით ასეთი იყო:
ახალწვეულს სძინავს ტყეში. მას შეიარაღებული "მტერი" უახლოვდება. შეძლებს ჯარისკაცი დროულად გაღვიძებას?
ტესტის შედეგებმა აჩვენა, რომ თმიანი ჯარისკაცები უფრო სწრაფად იღვიძებდნენ, თანაც უკვე განგაშის შეგრძნებით და
საფრთხეზეც უფრო სწაფად რეაგირებდნენ.
კვლევის შედეგებზე დაყრდნობით, მეცნიერებმა ურჩიეს სამხედრო ხელმძღვანელობას, ინდიელი ჯარისკაცებისთვის გრძელი თმის ტარების უფლება მიეცათ. სამხედროებმა რჩევა გაითვალისწინეს, ოღონდ ამჯობინეს, რომ საზოგადოებას ამგვარ ექსპერიმენტებზე არაფერი სცოდნოდა.
ძუძუმწოვართა სხეული მილიონობით წლის განმავლობაში განიცდიდა ევოლუციას, თვითგადარჩენის უნარი, რომელიც ადამიანებს გააჩნიათ, ზოგჯერ ზებუნებრივად შეიძლება მოგვეჩვენოს. მეცნიერები ახალ-ახალ აღმოჩენებს აკეთებენ და სულ უფრო რწმუნდებიან, რომ პოტენციურ საფრთხეს ადამიანი და ცხოველი სხეულის თითქმის ყველა უჯრედით გრძნობს.
ევოლუციამ თმა "ანტენად" აქცია, რომელიც გარე სამყაროდან უამრავ ინფორმაციას იღებს და საჭიროების შემთხვევაში თავის ტვინს გადასცემს.
გრძელი თმა ქალისთვისაც და მამაკაცისთვისაც გარე სამყაროსთან დამაკავშირებელ ფართო საინფორმაციო მაგისტრალს წარმოადგენს.
როცა თმას იჭრით, გარე სამყაროსთან უფრო მჭიდრო კავშირის საშუალებას კარგავთ.
ზოგიერთი მეცნიერი ვარაუდობს, რომ სწორედ თმის შეჭრის ჩვეულება წარმოადგენს ჩვენი საერთო ეკოსისტემის ყველა უბედურების მიზეზს. სწორედ ეს გახდა ადამიანთა შორის გაუცხოებისა და სექსუალური დაუკმაყოფილებლობის ფაქტორი.
ამდენად, თუ გრძელი თმა მაინცდამაინც არ გაწუხებთ, შეეცადეთ არ შეიჭრათ.
სილამაზის სალონიდან გამოსვლისას დააკვირდით საკუთარ შეგრძნებებს. თმის შეჭრის შემდეგ თავს უფრო მსუბუქად გრძნობთ, თითქოს რაღაც სიმძიმე მოიშორეთ, "განიწმინდეთ", თუმცა იმავდროულად არ გტოვებთ განცდა, რომ რაღაც გაკლით, მაგრამ რა, ვერ ხვდებით.
სოფიო ბულაური
