მას შემდეგ, რაც მეგობრის სახლში საყინულეში სვანურ მარილს წავაწყდი, მივხვდი, რომ ადამიანები ხშირად ტყუილად ვყინავთ პროდუქტს. ჩემმა დაქალმა მითხრა, რომ დაბალ ტემპერატურაზე პროდუქტი კარგად ინახება და გვიან ფუჭდება. სინამდვილეში არსებობს რამდენიმე სახეობის საკვები, რომელიც გაყინვის შემთხვევაში გემოსა და სასარგებლო თვისებებს კარგავს. სანამ მათზე საუბარს დავიწყებდეთ, დავწერ, რომ სვანური მარილი საყინულეში არავითარ შემთხვევაში არ უნდა შეინახოთ.

1. წყლით გაჯერებული ბოსტნეული და მწვანილი

ნიახური, კიტრი, პომიდორი, სალათის ფოთლები, ბოლოკი და წიწმატი ის ბოსტნეულია, რომელიც წყლით არის გაჯერებული ამიტომ ძალიან მალე იყინება. სამწუხაროდ, გაყინვა მათ სასარგებლო თვისებებს აქრობს. შესაბამისად ასეთი ბოსტნეულით/მწვანილით კვებას აზრი არ აქვს.

2. კვერცხი

გაყინულ კვერცხში ჩნდება ჯანმრთელობისთვის საშიში ბაქტერია. თუ მაინც და მაინც კვერცხის გაყინვა გსურთ, გადმოასხით ის ნაჭუჭიდან.

3. ყველი
თუ ყველს გაყინავთ, მას შეეცვლება გემო და გალღობის შემდეგ რთულად დასაჭრელი გახდება ან დაიფშხვნება. სჯობს დაჭრილი ყველი შეინახოთ საყინულეში.

4. რძის პროდუქტი
მაწონი, ხაჭო, არაჟანი და ნადუღი გაყინვის შემდეგ წყლიანი ხდება.

5. კარტოფილი


კარტოფილს ფერი და გემო შეეცვლება, ამიტომ მოერიდეთ მის გაყინვას. კერძის მომზადებისას ჯერ გაყინული, შემდეგ კი გალმღვარი კარტოფილი ჩაიშლება და საჭმელს გაგიფუჭებთ.

რადა მახარაძე