პარტნიორის შერჩევისას ქალები ხშირ შემთხვევაში დიდ მნიშვნელობას ანიჭებენ ახლობლების მოსაზრებას. თუ მშობლებმა და მეგობრებმა დაგიწუნეს, დიდი ალბათობით ქალი მალევე ჩამოგშორდებათ. სტატიაში გთავაზობთ მარტივ ხერხებს, რომელიც გოგონას დედ-მამის, სადაქალოს, კოლეგებისა და შინაური ცხოველის გულის მოგებაში დაგეხმარებათ.

1. მშობლები

პრობლემა: დედამ იცის, რომ ადრე თუ გვიან მის ქალიშვილთან დაწვებით, მამა კი დარწმუნებულია რომ სექსი უკვე გქონდათ.

გამოსავალი: არ დაგავიწყდეთ, რომ მამამისიც კაცია და დიდი ალბათობით სავსებით ნორმალური. იყავით თავდაჯერებული, არ იცანცაროთ, მაგარამ იუმორის გრძნობა გამოავლინეთ, არ დაიწყოთ თავის ქება, დაანახვეთ, რომ მის ქალიშვილს პატივს სცემთ და გიყვართ. დედამისს თქვენი შეყვარებულის ბავშვობის ამბები მოაყოლეთ და სთხოვეთ, საოჯახო ალბომები დაგათვალიერებინოთ.

2. საუკეთესო მეგობარი

პრობლემა: მას ეშინია რომ დაქალს წაართმევთ. თითქმის დარწმუნებულია, რომ მეგობრებს შორის ჩადგებით.

გამოსავალი: უთხარით თქვენს შეყვარებულს, რომ კარგ ადამიანთან მეგობრობს. ეცადეთ, თქვენი პარტნიორი და მისი დაქალი ერთად დაპატიჟოთ კინოში ან კაფეში. ხანდახან შეყვარებულთან ერთად მის უახლოეს მეგობარს სტუმრადაც ეწვიეთ.

3. კოლეგები და სამეგობრო წრე

პრობლემა: ისინი დარწმუნებულები არიან, რომ ნაგავი ხართ და გოგონას საბოლოოდ გულს ატკენთ.

გამოსავალი: როცა შეყვარებული მეგობრების ან კოლეგების შესახებ გიამბობთ, მოუსმინეთ და ინფორმაცია დაიმახოსვრეთ. როცა მეგობრებსა და კოლეგებს გაგაცნობთ, ჰკითხეთ მათ ჰობზე, ინტერესებზე, მოგზაურობაზე და სამსახურზე. ეს თავაზიანი ჟესტია.

4. შინაური ცხოველი

პრობლემა: შეიძლება გიკბინოთ.

გამოსავალი: ხელზე ცოტა ცხიმი შეიზილეთ, ძაღლი სუნს იგრძნობს და ლოკვას დაგიწებთ.

ანდრეა ნარიანი