ფრედერიკ ბეგბედერი გვარწმუნებს, რომ სიყვარული სამი წელი ცოცხლობს. სამწუხაროდ, ქორწინების შემდეგ გრძნობები მართლაც იძინებს და მამაკაცი ცოლისადმი ინტერესს კარგავს. გაინტერესებთ რაშია საქმე? მაშინ გაეცანით სტატიას.

1. თქვენ ქმრისთვის მეორე დედა ხდებით
ქორწინების შემდეგ პასუხისმგებლობის უდიდეს ნაწილს საკუთრ თავზე იღებთ, ყოველდღიურად ამზადებთ კერძებს, აწესრიგებთ სახლს, ზრუნავთ თქვენი მეუღლის გარდერობზე, ურეცხავთ სარეცხს, უუთოვებთ, ახსენებთ, რომელი ნივთი სად უდევს. გარკვეული პერიოდის შემდეგ კაცი დედად აგღიქვამთ და თქვენი შრომის დაფასებას წყვეტს, ვინაიდან დედა შვილს უანგაროდ ემსახურება და სანაცვლოდ არაფერს მოითხოვს. იმისთვის, რომ ეს გაურკვევლობა თავიდან აიშოროთ, დაასაქმეთ კაცი. სთხოვეთ, ჭურჭელი დარეცხოს და გაამშრალოს, მაგიდის გაწყობასა და ალაგებაში დაგეხმაროთ, დაალაგოს თავისი კარადა და გაწმინდოს ფეხსაცმელები.

2. ტირანი ხართ
არსებობენ პედანტი ქალები, რომელთა სახლშიც ყველაფერი თავის ადგილას უნდა იდოს. ამ ქალების სახლი მუზეუმს ემსგავსება და საცხოვრებლად არაკომფორტულია. მამაკაცი კი სიმყუდროვისკენ მიისწრაფის. ამ სტილის ქალებს მბრძანებლობა და ყველაფრის კონტროლი უყვართ, მათ შორის მამაკაცის. ცდილობენ, მეორე ნახევარი თავიდან აღზარდონ. პატივი ეცით თქვენი ქმრის ინდივიდუალიზმს, ნუ მოსთხოვთ ყველა საკითხში დაგეთანხმოთ, ნუ ეჩხუბებით წვრილმანებზე და პატარა ბავშვივით ნუ აკონტროლებთ.

3. სექსში მოსაწყენი ხართ
თავიდან ყველა წყვილის სექსი ვნებიანია. გარკვეული პერიოდის შემდეგ ქალი ინტიმში ინდიფერენტული ხდება. მამაკაცს ერთი და იგივე პოზიციები ბეზრდება, ამიტომ ახალ შეგრძნებებს სხვასთან ეძებს.

4. სილამაზის სალონში უფრო დიდ დროს ატარებთ ვიდრე სამსახურში ან სახლში
რა თქმა უნდა, თავს უნდა მოუაროთ და გამოიპრანჭოთ, მაგრამ ზედმეტი არ მოგივიდეთ. ქმრისთვის ქალი უინტერესო ხდება თუ მას სალონისა და კოსმეტიკური საშუალებების გარდა სასაუბრო თემა არ აქვს.

ანდრეა ნარიანი