აბსოლუტურად ყველა ადამიანი ნახულობს სიზმარს, თუმცა ბევრ მათგანს არ ამახსოვრდება და ჰგონია, რომ „სიზმარა“ არ არის. რაც შეეხება კონკრეტულად ეროტიკულ სიზმრებს, ეს უკვე ინდივიდუალურ ჭრილში განიხილება. სექსუალური სიზმრები სულაც არ მიგანიშნებთ იმაზე, რომ თქვენს ცხოვრებაში ორგაზმის დეფიციტია. ამ სტატიაში ვეცდებით აგიხსნათ რა იწვევს ეროტიკულ სიზმრებს.

1. როდესაც საუბარი ადამიანის ქვეცნობიერს ეხება აუცილებლად უნდა ვახსენოთ ფროიდი. ზიგმუნდ ფროიდმა კაცობრიობის ბნელი მხარე გამოააშკარავა. ფროიდის თეორიის მიხედვით, სიზმრად ვხედავთ იმ სურვილებს, რომლებიც ოდესღაც დავბლოკეთ. ჩვენმა ლოგიკურმა ,,მემ" ქვეცნობიერის ბინძური განზრახვა მიაძინა. აზრები არსად იკარგება, გონებაში რჩება, ტვინს კი განთავისუფლება სჭირდება. ეროტიკული სიზმარი ტვინის დასუფთავებაა.

2. თქვენ მზად ხართ სექსუალური ცხოვრების დასაწყებად. ტვინი ნიშანს გაძლევთ, რომ პარტნიორის ძებნა უნდა დაიწყოთ.

3. თუ თქვენი ცხოვრება დახუნძლულია სტრესული სიტუაციებით, შფოთვითა და შიშით, დიდი ალბათობით ძალიან უხამსი სცენა დაგესზიმრებათ. მაგალითად, თუ სამსახურში რაიმე სამარცხვნო შეგემთხვათ, სიზმარიც სირცხვილის განცდას დაგიტოვებთ. გამოდის, სიზმარი თქვენს ცხოვრებისეულ განცდებს აირეკლავს.

4. თუ ჰომოსექსუალური აქტი დაგესიზმრათ, არ შეშინდეთ. ყველაფერი რიგზეა. მეცნიერები გვარწმუნებენ, რომ ამ შემთხვევაში გონება გთხოვთ საკუთარ სიამოვნებაზე მეტი იფიქროთ, ვიდრე პარტნიორისაზე. ყურადღება მიაქციეთ თქვენს სხეულსაც. წონაში ხომ არ მოგიმატიათ? ჯანმრთელობას ხომ არ უჩივით? გტკივათ რაიმე?

რადა მახარაძე