თქვენ ალბათ თვლით რომ მოდური ქალი/კაცი ხართ და გემოვნებიანად იცვამთ. ვერც ერთი ადამიანი ვერ დაიტრაბახებს, რომ მოდის ინდუსტრიაში გარკვეულია, თუ რამდენიმე დიზაინერის მიღწევების შესახებ არაფერი იცის. ამ სტატიაში გთავაზობთ იმ ქალთა სიას, რომლებმაც მოდაში წარუშლელი კვალი დატოვეს.

1. ჟანა ლანვინი



ჟანა ერთ-ერთი უძველესი დიზაინერია. მან 1889 წელს ქუდების ატელიე გახსნა. მოგვიანებით ლანვინმა კაბების შეკერვაც დაიწყო, მისი ინსპირაცია ქალიშვილი, მარგარიტა გახდა. 1920 წლისთვის ჟანა ლანვილი დიდი პოპულარულობით სარგებლობდა, ის უკვე კერავდა სამოსს მამაკაცებისთვის, სექსუალურ საცვლებს ქალებისთვის და სპორტულ ფორმებს სპორტსმენებისთვის.

2. მადლენ ვიოლეტი


ითვლება, რომ მადლენმა მოდის ისტორია შეცვალა, როდესაც 1912 წელს საკუთარი მოდის სახლი დააარსა. ვიოლეტი ძალიან მალე გახდა ცნობილი მისი კრეატიული მიდგომით. ის მანეკენებზე კერავდა სამოსს. მისი კაბები გამოირჩეოდა სილამაზით. ტანსაცმელზე მუშაობისას ითვალისწინებდა კლიენტის ხასიათის. ამბობდა, რომ როცა ქალი იღიმის, კაბამაც უნდა გაიღიმოს.

3. კოკო შანელი


კოკო შანელმა პატარა შავი კაბა გამოიგონა და ამით ქალებს ცხოვრება ნამდვილად გაუმარტივა. მასვე ეკუთვნის კოქტეილის ყელსაბამი „მარგალიტებით." კოკომ კარიერა პირველი მსოფლიო ომის პერიოდში ქუდების კერვით დაიწყო და შემდეგ საცვლებზე გადაერთო. შანელი გახლავთ პირველი ქალი, რომელიც საზოგადოების წინაშე შარვლით წარდგა. მას ჯირითი მოსწონდა, კაბაში კი თავს არაკომფორტულად გრძნობდა. მოგვიანებით დიზაინერმა თავისი პარფიუმერიაც შეიმუშავა. არსებობს ვერსია, რომ კოკო აგენტი იყო, მისი სუნამო შანელი N 5 საიდუმლო წერილებისთვის შეიქმნა.

4. კლერ მაკარდელი


მაკარდელის ამერიკული მოდის ფუძემდებელს ეძახიან. კლერმა ევროპულ მოდასა და ფრანგულ მიმდინარეობებს ამერიკული შტრიხები დაუმატა. დიზაინერმა ამერიკელები გამოაწყო ჰაეროვან, ჯიბეებიან კაბებში, მრავალფუქციურ სამოსში, ბამბის სარაფნებსა და ტრიკოტაჟში.

5. ელზა სკიაპარელი


ელზას პირველი ნამუშევრები ქალებმა 1927 წელს იხილეს. პირველად სკიაპარელი სვიტერებზე მუშაობდა. სვიტერები მალე ბესტსელერად იქცა. სკიაპარელიმ ელვა შეგნებულად გამოაჩინა და მას დიზაინში განსაკურებული დატვირთვა მიანიჭა. თავის სვიტერებს ელზა სალვადორ დალის პრინტებით აფორმებდა. დიზაინერის ნამუშევრები მალე ჟურნალ „თაიმსის" ყდაზე მოხვდა.

რადა მახარაძე