ბინის შეძენისას, თქვენ წილად გხვდებათ მისი ნომერიც, ამ ნომრის უკან კი შესაძლოა დიდი აზრი იმალებოდეს. გაიგეთ რას შეიძლება აღნიშნავდეს ეს ნუმეროლოგია. მაგალითად: როცა ბინის ნომერია - 138 = 1+3+8=12. 1+2=3.   "3"- სწორედ ეს არის თქვენი ბინის ნუმეროლოგიური ციფრი.

ციფრი 1. პლანეტა - მზე
ეს საცხოვრებელი ბინა მფლობელს შემოქმედებითი ენერგიითა და სიხარულით ავსებს. აქ თავს კომფორტულად იგრძნობენ მწერლები, მხატვრები, პოეტები, ჟურნალისტები. მაგრამ სახლი მხოლოდ კეთილ ადამინებს ანიჭებს კომფორტს, ბოროტებისთვის კი ნამდვილი ზარალია.

ციფრი 2. პლანეტა

- მთვარე
ბინა იდეალურია ბავშვებთან მომუშავე ადამიანებისთვის, მზარეულებისა და მუსიკოსებისთვის. აქ მთავარი აქცენტი გააკეთეთ სარკეზე და ფერზე, რომელიც უმჯობესია ღია რძისფერსა და ზურმუხტისფერ მწვანეზე გადაწყდეს. სააბაზანო ოთახი კი იდეალურად უნდა გამოიყურებოდეს.

ციფრი 3. პლანეტა - მარსი
ძალა და მოქმედება! ეს ბინა ზარმაცებისთვის ნამდვილად არ არის. აქ გამუდმებით მოგიწევთ რაღაცის შეკეთება. თუ მეპატრონე ტონუსში და უწყვეტ მოქმედებაში არ იქნება, ბინა ავადმყოფობას მოუტანს. ინტერიერი დატვირთეთ რაც შეიძლება მეტი წითელი ფერით.

ციფრი 4. პლანეტა - მერკური
აქ პატიოსნად ცხოვრება მოგიწევთ, რადგან ტყუილი აუცილებლად დაგიბრუნდებათ უკან. მზად იყავით - ბინა ბევრ შრომასა და დატვირთვას მოგიტანთ. კეთილდღეობისთვის უმჯობესია შემდეგი ფერები: ლურჯი, ნაცრისფერი, ასევე ცისფერისა და ყვითლის შერწყმა.

ციფრი 5. პლანეტა - იუპიტერი
აქ ყველაფერი გლობალურია. ეს ბინა გამუდმებით იზიდავს რაიმე იდეის ქვეშ გაერთიანებულ ადამიანებს, მათი ცხოვრება უკავშირდება პოლიტიკას ან მეცნიერებას. ნუ მიეცემით სიბრაზეს და ყველაფერი კარგად იქნება. კარგი იქნება თუ ბიბლიოთეკას მოიწყობთ.

ციფრი 6. პლანეტა - ვენერა
დასვენება, სიყვარული და კომფორტი. ამ ბინაში მცხოვრებს ძალიან გაუმართლა. ისინი კეთილები და სტუმართმოყვარეები არიან ან პორნოს მოყვარული სკანდალისტები. უჯობესია თბილი ფერები - რძისფერი - ყავისფერი. უყვართ შიანური ცხოველები. აქ კამათსაც მოერიდეთ.

ციფრი 7. პლანეტა - სატურნი
ამ ბინაში მცხოვრებნი ხშირად სამარცხვინო სიტუაციაში აღმოჩნდებიან და გარკველი შეზღუდვების მსხვერპლნი ხდებიან. თუმცა ამავე ბინაში შეიძენთ რაიმე სახის პროფესიონალურ უნარებს. მთავარია ხშირად გააანალიზოთ თქვენი ქმედებები . ხელსაყრელი ფერია - მუქი ლურჯი.

ციფრი 8. პლანეტა - ურანი
ეს ასტროლოგებისა და წინასწარმეტყველების ბინაა.აქ მუდამ მეგობრების გარემოცვაში იქნებით. გამოიყენეთ ღია ფერის, ცისარტყელას ფერები, აუცილებლად უნდა დომინირებდეს ცისფერი - ლურჯი. ფანჯრები ყოველთვის სუფთა გქონდეთ, ელექტროგაყვანილობას კი უფრთხილდით.

ციფრი 9. პლანეტა - ნეპტუნი
საკმაოდ მძიმე ბინაა. აქ თავს კომფორტულად იგრძნობენ მღვდლები, მუსიკოსები, მეზღვაურები და ექსტრასენსები. აქ ადვილად ჩაიძირებით აუხდენელ ოცნებებში და ბევრ მავნე ჩვევას შეიძენთ. ბინა ბერმუდის სამკუთხედივითაა - ნივთები გამუდმებით იკარგება და ეს ყოველგვარ საღ აზრს მოკლებულია.

ანა ვერძაძე