ჩაზრდილი ფრჩხილი, ნებისმიერი ასაკის ადამიანში გვხვდება. ეს უმრავლეს შემთხვევაში ფეხის დიდ ფრჩხილს ემუქრება. თავდაპირველად ჩნდება დისკომფორტი, მოგვიანებით კი სიარულის დროს ტკივილსაც იგრძნობთ. ძალიან რთულ შემთხვევაში თითის ამპუტაციაც ხდება.

ფრჩხილის ჩაბრუნების მიზეზები:

- ფრჩილის კუთხეების ძალიან ღრმა ჩაჭრა;
- სოკო;
- ბრტყელტერფიანობა;
- ხშირი ოფლიანობა;
- მოუხერხებელი და უხარისხო ფეხსაცმელი;
- ტრავმა, დაზიანები;
- ჰორმონალური ცვლილებები;
- მემკვიდრეობითობა.

როგორ უმკურნალოთ ჩაზრდილ ფრჩხილს:

1. მარილის ვანები - მოგიხსნით ტკივილს და შეაჩერებს ანთებით პროცესებს. თბილი წყლით სავსე თასში ჩაყარეთ ერთი მუჭა მარილი. შეგიძლიათ დაუმატოთ გვირილას ნაყენი, ფურაცილინი ან მარგანცოვკა. ვანის შემდეგ, დაავადებულ თითზე დაიდე ბამბა.

2. ალოე - მოგიხსნით ანთებით პროცესებს. დაგჭირდება ალოეს კანგამძვრალი ფოთოლი. დაიდეთ თითზე მთელი ღამით, დილით კი ჩაზრდილი ფრჩილის მოშორებას შეძლებთ.

3. სასარგებლოა - ხახვიც. გასუფთავებული ხახვი გამოაცხვეთ გაზქურაში. როგორც კი გაგრილდება, გაჭერით და ამოიღეთ გული, დაიდეთ დიდ თითზე და შემოიხვიეთ დოლბანდი. დილისთვის ხახვი მთელ ჩირქს ამოიღებს.

4. ღამით დანაყილი ნივრის კომპრესები კი მკურნალობის საუკეთესო არჩევანია.ეს ბუნებრივი ანტისეპტიკური საშუალება, გაგიქარწყლებთ ტკივილს და გააქრობს ანთებას.

ანა ვერძაძე