• თუ გაიჭერით ხელი და ხელთ არ გაქვთ წყალბადის ზეჟანგი ან სხვა საჭირო საშუალება, ჭრილობაზე დაიყარეთ შაქარი - სისხლი მაშინვე შეგიჩერდებათ.

• თუ კარტოფილს ხარშავთ კანიანად, რამდენიმე ადგილას დაჩხვლიტეთ კანი და კარტოფილი არ დაიშლება.

• ლობიო უფრო გემრიელი და სასარგებლო იქნება, თუ ადუღების შემდეგ წყალს მაშინვე გადაასხავთ, დაასხავთ ცივ წყალს და მასში დაამატებთ 3 ს.კ. მცენარეულ ზეთს, შემდეგ ჩვეულებრივ გააგრძელებთ ხარშვას.

• თევზის გასუფთავება უფრო მოსახერხებულია, თუ მას ჩადებთ წყალში და ისე გაასუფთავებთ, ირგვლივ არ დაისვრება ქერცლით.

• იმისათვის, რომ შემწვარ ქათამს ან ინდაურს ჰქონდეს ხრაშუნა ქერქი, 10 წუთით ადრე შეწვის დამთავრებამდე დანამეთ მარილიანი წყლით.

• თუ გჭირდებათ მხოლოდ კვერცხის ცილა, გული კი გინდათ შეინახოთ რამდენიმე დღით, გახვრიტეთ კვერცხი ნემსით ორივე მხრიდან - ცილა გამოვა, გული კი დარჩება ნაჭუჭში.

• იმისათვის, რომ სააბაზანოში ნაკერებს მოაცილოთ ჭუჭყი და ობი საჭიროა: პატარა ჯამში დაასხათ 1 ჭიქა ცხელი წყალი, დაამატოთ 2 სავსე ს.კ. სოდა და 1 ს.კ. სარეცხი ფხვნილი. კარგად აურიეთ და ძველი კბილის ჯაგრისით გარეცხეთ ჭუჭყიანი ადგილები. რამდენიმე დამუშავების შემდეგ ობი აღარ დაბრუნდება.

• საღებავის სუნი, რომელიც რჩება ბინაში რემონტის შემდეგ, მალე გაქრება, თუ რამდენიმე ადგილას დადებთ თეფშებს მარილით.

• ავტომანქანის შუშები არ დაორთქლდება, თუ მათ გაწმინდავთ მარლაში გახვეული ნოტიო მარილით.

• უსიამოვნო სუნი სამზარეულოში გაქრება, თუ დაწვავთ ფორთოხლის ან ლიმონის ქერქს.

• ჟანგიანი ლაქები აბაზანიდან ან ნიჟარიდან შეიძლება მოაცილოთ წყალბადის ზეჟანგის და ნიშადურის თანაბარი რაოდენობის ნარევით ან ცხელი ძმრით, რომელშიც გახსნილია ცოტაოდენი მარილი.