წყვილი, რომელიც ქორწინებისთვის ემზადება, ბევრი სიძნელის გადალახვისთვისაც უნდა იყოს მზად. ოჯახისთვის მხოლოდ მატერიალური მხარის უზრუნველყოფა საკმარისი არ არის, მთავარი მეუღლეებს შორის სიყვარული და ურთიერთგაგებაა. როცა ეს უკნანასკნელი კლებულობს, ქორწინებაც საფრთხის ქვეშ დგება. ხშირად მოსიყვარულე მეუღლეებს შორის გაუგებრობა მხოლოდ იმის გამო ჩნდება, რომ წყვილს ურთიერთობის ტაქტი აკლია.

წყვილების პრობლემა კარგად ჩანს იმ ბავშვის მაგალითზე, რომელიც მასწავლებელმა ცუდი საქციელის გამო საკლასო ოთახიდან გააგდო. მართალია, ბავშვი არ ყოფილა კონფლიქტის მიზეზი, მაგრამ კონფლიქტზე ისეთი რეაქცია გამოავლინა, რომ მასწავლებელს ცუდად მოხვდა თვალში და მხოლოდ ის დასაჯა. ასე ხდება ცოლ-ქმრის ცხოვრებაშიც - არის პრობლემები, რაშიც ხშირად პარტნიორს ვადანაშაულებთ. არადა შეიძლება ის მხოლოდ აისბერგის წვერი იყოს, პრობლემას კი გაცილებით ღრმა ფესვები ჰქონდეს. რა შეიძლება იყოს ის პრობლემები, რომლებიც ყველაზე ბედნიერ ქორწინებასასც კი ძირს უთხრიან.

1. ადამიანები იცვლებიან

როგორც წესი, იმ ხალხზე ვქორწინდებით, ვინც მოგვწონს. და აი მოულოდნელი აღმოჩენაც: ადამიანები იცვლებიან. ამისთვის მზად უნდა ვიყოთ. თუ უახლოეს ადამიანში ცვლილებები შენიშნეთ, ნუ შეშფოთდებით, ეს ნორმალურია, თქვენც იცვლებით. მთავარია ერთმანეთის მიმართ ყურადღება არ მოადუნოთ და უხილავი ბარიერი არ აღიმართოს თქვენ შორის. ცვლილებებიც ერთად უნდა განიცადოთ და ერთად "გაიზარდოთ". სიყვარული უკეთესობისკენ ცვლის ადამიანებს.

2. ბავშვური კომპლექსები

ყველაფერი, რაც გაწუხებს, შენს შიგნით იმალება. სხვა ადამიანი ვერც სირცხვილს გაგრძნობინებს და ვერც შენს კომპლექსებს გააღრმავებს. შენში თავისთავად იღვიძებს ეს გრძნობები. ბავშვობიდან ყველას მოჰყვება გარკვეული ფსიქოლოგიური პრობლემები და პარტნიორმა მათ გაღვიძებას ბიძგი მისცა, ეს მისი ბრალი არ არის. მეუღლეზე კი ნუ გაბრაზდებით, კონსტრუქციულობით უპასუხეთ. ასწავლეთ თქვენი განწყობის გაგება, აუხსენით, რა გაღიზიანებთ და რა იწვევს თქვენში უარყოფით ემოციებს.

3. ეგო

ყველა ჩვენგანს აქვს საკუთარი ეგო, რომელიც ჯერ კიდევ ბავშვობაში განვითარდა. თავდაცვის მიზნით ის ჩვენს გარშემო გადაულახავ ზღუდეს აშენებს, რომელმაც შეიძლება ბევრჯერ გადაგარჩინათ, თუმცა ოჯახში ეს კედელი სრულიად ზედმეტია.
ქორწინება შესანიშნავი გარემოა საკუთარი თავის შესაცნობად, საკუთარი ეგოს ტყვეობიდან თავის დასაღწევად. იყავით მაქსიმალურად გახსნილი, მეტი პატიება და ნაკლები შურისძიება, მეტი ბოდიში და ნაკლები ბრალდება თქვენს კავშირს უფრო მტკიცეს გახდის.


იხილეთ გაგრძელება