დღეს, როდესაც ფენ-შუი ასე შემოვიდა მოდაში და ფართო მასებს უკვე ხელი მიუწვდებათ ამ სახის ლიტერატურასა თუ მასთან დაკავშირებულ აქსესუარებზე, საჭიროა ვიცოდეთ ზოგიერთი მათგანის მნიშვნელობა. თუნდაც იმიტომ, ნებისმიერი რამის `ბრმად~ გამოყენება არა თუ დადებით შედეგს იძლევა. ამჯერად ე. წ. არომატულ ჩხირებზე ვისაუბრებთ, რომლებიც ბევრნაირი გხვდება და რასაკვირველია, განსხვავებული ენერგეტიკაც აქვთ.

• მაგნოლიის სურნელი, ჩინური ტრადიციების მიხედვით, აძლიერებს ხასიათსა და მიზანსწრაფვას, ეს ყოველივე კი პირად ცხოვრებაში წარმატებების მომტანია.

• ბერგამოტი დადებითად მოქმედებს მადასა და საჭმლის მონელების პროცესზე. გარდა ამისა, მისი სურნელი აწესრიგებს კოლეგიალურ და პარტნიორულ ურთიერთობებს.

• გვირილა დადებითად მოქმედებს ოჯახურ ურთიერთობებზე და ამშვიდებს ნერვულ სისტემას, რაც ხელს უწყობს სახლში ჰარმონიის დამყარებას.

• ჟასმინი ხსნის დეპრესიას და ადამიანს კარგ განწყობაზე აყენებს, განსაკუთრებით სასიკეთოდ მოქმედებს მეუღლეების ურთიერთობებზე. გარდა ამისა, მისი სურნელი ადამიანს ეხმარება ფინანსური იდეების მოფიქრებასა და ბიზნესის დაგეგმვაზე.

• ლავანდას სურნელი უფრო იმ ადამიანებს მოუხდებათ, რომლებსაც ფსიქიკასთან და ძილთან დაკავშირებული პრობლემები აწუხებთ. ის განსაკუთრებით დადებითად მოქმედებს ბავშვებსა და მოხუცებზე.

• ევკალიპტი აძლიერებს მეხსიერებას და აზროვნების პროცესს. ამიტომ მისი სურნელი განსაკუთრებით დადებითად მოქმედებს იმ ადამიანებზე, ვისაც საქმე ანგარიშთან, ანალიზთან, აუდიტთან და ინფორმაციის დამუშავება-გადაცემასთან აქვთ.

• როზმარინიც იმავე თვისებებით გამოირჩევა, როგორითაც მაგნოლია, თუმცა უფრო ძლიერი არომატი აქვს და მისი სურნელი უფრო მანდილოსნებს მოსწონთ.