არიან ადამიანები, რომლებსაც სჯერათ, რეინკარნაციის, სჯერათ, რომ ზოგიერთი ძველ დროში ცხოვრობდა და ახალ ეპოქაშიც დაიბადა. ამას სხვადასხვა ფაქტებითაც ხსნიან. ერთ-ერთ ყველაზე სარწმუნო მინიშნებად კი დეჟა ვუს მიიჩნევენ.

ხშირია ხოლმე შემთხვევა, როცა აქვთ განცდა, თითქოს კონკრეტული ამბავი თავს ადრეც გადაგხდენიათ, ეს კი აფიქრებინებთ, რომ შესაძლოა, გასულ საუკუნეებშიც ცხოვრობდნენ.

მკვლევარები გამოყოფენ ექვს ნიშანს იმისას, რომ შესაძლოა თავადაც "ძველი სული" და წარსულის გადმონაშთი იყოთ.

1. ადამიანებს მაგნიტივით იზიდავენ

ასეთი ადამიანები, როგორც წესი სიბრძნით გამოირჩევიან, ძალიან ჭკვიანები არიან და მათ გვერდით ყოფნა ყველას სურს. თუ მაგნიტივით იზიდავთ ადამიანებს, თუ გამუდმებით რჩევებს გეკითხებიან, ეს იმაზე მიუთითებს, რომ "ძველი სული" ხართ და წარსულში მიღებული ცოდნა საინტერესო ადამიანად გაქცევთ.

2. უყვართ მარტო ყოფნა

უყვართ მარტო ყოფნა, საკუთარ თავთან უფრო მეტი დროის გატარება. მათ ურჩევნიათ, რომ ურთიერთობა მხოლოდ რამდენიმე განსაკუთრებულ ადამიანთან ჰქონდეთ, მათთან ვისაც ყველაზე მეტად ენდობიან.

3. განსაკუთრებულ კავშირს გრძნობენ ბუნებასთან

სამყაროს განსაკუთრებული აღქმა და შეგრძნება აქვთ, არ შეუძლიათ ბუნების წიაღში ყოფნის გარეშე და თავს ყველაზე ბედნიერად ბუნებასთან ახლოს ყოფნის დროს გრძნობენ. თუ თქვენ ასეთი ადამიანი ხართ, შესაძლოა, იმაზე მეტყველებდეს, რომ წარსულშიც, საუკუნეების წინ ცხოვრობდით.

4. არ უჭირთ კომუნიკაცია

მართალია, მარტო ყოფნა მოსწონთ, მაგრამ ამავდროულად, ისინი შესანიშნავად ურთიერთობენ გარშემო მყოფებთან. არ არსებობს ადამიანი, რომელთანაც ისინი საერთო ენას ვერ გამონახავენ.

5. შეუძლიათ სწორი გადაწყვეტილებების მიღება

იმის გამო, რომ წინა ცხოვრებაში, სადღაც, რომელიმე საუკუნეში ცხოვრობდნენ, დიდი გამოცდილება დაუგროვდათ და გადაწყვეტილებების მიღების უნარი გამოუმუშავდათ. ასეთ ადამიანებს მარტივად შეუძლიათ რთული სიტუაციებიდან გამოსავლის პოვნა და სწორი გადაწყვეტილებების მიღება და თუ თქვენც ასეთი ხართ, შესაძლოა, წარსულში ცხოვრობდით და ძველი ეპოქიდან ახალში რეინკარნირდით.