20 მარტს საზოგადოება დიდ ბრიტანეთში მდებარე ჰილინგდონის საავადმყოფოს პაციენტის ემოციურმა ჩართვამ აალაპარაკა. საქმე კორონავირუსით დაინფიცირებულ, 39 წლის ტარა ჯეინ ლენგსტონს ეხება. მან საზოგადოებას საკუთარი გამოცდილების გათვალისწინებით, სიფრთხილისკენ მოუწოდა. სულისშემძვრელ ვიდეოს "The Guardian"-ი აქვეყნებს:

"აქამდე ვფიქრობდი, რომ ეს ყველაფერი სისულელე იყო და ამ საყოველთაო ისტერიისგან თავი შორს მეჭირა. მაგრამ როდესაც კორონავირუსი დამიდასტურდა, მივხვდი, რომ არასდროს ვისურვებდი ამ გზის ხელახლა გავლას.. ადამიანებმა უნდა გააცნობიერონ თვითიზოლაციის საჭიროება. ეს ერთადერთი გამოსავალია.. დამიჯერეთ.

თუ ვინმე მაინც ფიქრობთ რისკზე წასვლაზე, მე შემომხედეთ.. რადგან თუ მდგომარეობა გაუარესდა, თქვენც აქ დაასრულებთ..

ეს ფილტვებში შუშის ნამტვრევების ქონას ჰგავს, ამის ახსნა რთულია, მაგრამ ყოველი ამოსუნთქვა ბრძოლის ტოლფასია", - აღნიშნა მან.