პერონალური ქოუჩის ეკა ჩიგოგიძის რჩევები.

1. ზუსტად განსაზღვრეთ, რა გინდათ ცხოვრებაში! - თქვენ ვერ წარმოიდგენთ, რამდენ ადამიანს ჰგონია, რომ იცის რა უნდა. რეალურად, როდესაც ხდება ამ საკითხის ღრმად დამუშავება, აღმოჩნდება, რომ სრულიად სხვა რაღაც უნდათ, ან საერთოდ არ იციან, რა უნდათ.

2. იფიქრეთ საბოლოო შედეგის განზომილებიდან და არა დღევანდელი მდგომარეობიდან გამომდინარე. ეს ეხება ყველაფერს, ურთიერთობას, კარიერას, ჯანმრთელობას, სიმდიდრეს და ა.შ.

3. დაიჯერეთ, ირწმუნეთ, რომ თავად ხართ საკუთარი რეალობის შემქმნელი! - ეს არის ძალა, რომლის თავის სასარგებლოდ გამოყენება ბევრმა ადამიანმა არ იცის. ჩვენს პირად რეალობას განსაზღვრავს არა ჩვენი ცოდნა, არამედ ჩვენი რწმენა. გაერკვიეთ რისი გჯერათ, რა არის თქვენი მამოძრავებელი რწმუნებულებები და პირველ რიგში, დაიჯერეთ, რომ თავად ქმნით პირად რეალობას.