მსოფლიოში პროსტიტუციის ერთ-ერთი ყველაზე დიდი კერა სიერა-ლეონეა. იქ მცხოვრები 300 000 ქალი სექს-მუშაკია. მათ უმძიმეს პირობებში უწევთ მუშაობა.

ტელეკომპანია "BBC"-ს ჟურნალისტი სიერა-ლეონეში მცხოვრებ სექს-მუშაკ ქალებს პირადად გაესაუბრა და მათი ცხოვრების შესახებ ვრცელი სიუჟეტი მოამზადა.

ახალგაზრდა ქალები თავიანთი ყოველდღიურობის დეტალებს ყვებიან. მათი თქმით, სექსუალური მომსახურების სანაცვლოდ, ზოგჯერ 57 ცენტს ანუ დაახლოებით 1.50 ლარს იღებენ. ყველაზე ძვირადღირებულ მომსახურებად დაუცველი სქესობრივი აქტი ითვლება, რომელიც გოგონების ჯანმრთელობას რისკის ქვეშ აყენებს, სანაცვლოდ კი 5.60$-ს იღებენ.

სიერა-ლეონეში მცხოვრები სექს-მუშაკი ქალების განმარტებით, იმისათვის, რომ იარსებონ და ოჯახები გამოკვებონ, ღამეში 7-8 მამაკაცთან ურთიერთობა უწევთ. ისინი ხშირად ხდებიან ფიზიკური ძალადობის მსხვერპლი და ზოგჯერ ანაზღაურებასაც ვერ იღებენ.

როგორც ქალები ამბობენ, მათ უნდათ განათლების მიღება და ჯანსაღი ცხოვრება.