ადამიანის სიცოცხლისათვის კოფეინის საშიში დოზა დაახლოებით 10 გრამია, რაც ასი ფინჯანი ყავის ეკვივალენტურია კამათი ყავის მავნებლობისა და სარგებლობის შესახებ წლების განმავლობაში არ დამცხრალა. განსჯის საგანი ძირითადად მასში შემავალი კოფეინია.

როგორ მოქმედებს კოფეინი

კოფეინი იწვევს აგზნებას, რომელიც ნელ-ნელა მატულობს და სამ საათამდე გრძელდება. ორგანიზმში არ გროვდება და ჩვეულებრივ, ყავის მიღებიდან რამდენიმე საათის შემდეგ გამოიყოფა. რაც მეტ ყავას მოიხმარს ადამიანი, მით უფრო იშვიათად ფიქრობს თვითმკვლელობაზე. ამ ფაქტს მეცნიერული ახსნა მოუძებნეს. როგორც ჩანს, კოფეინი ტვინის იმ ნაწილებს ასტიმულირებს, რომლებიც ოპტიმისტურ განწყობას ამაღლებს.

კოფეინის ძალიან დიდი დოზა (დაახლოებით 10 ფინჯანი მაგარი ყავა) ტოქსიკოზს (თავის ტკივილი და ჟრჟოლა) იწვევს. ადამიანის სიცოცხლისათვის კოფეინის საშიში დოზა დაახლოებით 10 გრამია, რაც ასი ფინჯანი ყავის ეკვივალენტურია.

სასარგებლო თვისებები

. ააქტიურებს გულის მუშაობასა და ნივთიერებათა ცვლას.

. დადებითად მოქმედებს ფილტვების მუშაობაზე.

. აუმჯობესებს სისხლით მომარაგებას.

. შეიცავს ვიტამინ PP-ს და მინერალურ ნივთიერებებს.

. ასტიმულირებს თირკმელების მუშაობას.

. აჩერებს სისხლდენას.

. ზრდის ამტანობას.

. აფხიზლებს გონებას.

. აუმჯობესებს მეხსიერებას და კონცენტრაციის უნარს.

. სტიმულს აძლევს შემოქმედებით განწყობას და ასოციაციურ აზროვნებას.

. კურნავს გაციებას (საწყის სტადიაზე).

. აუმჯობესებს განწყობას.