ყავას შეუძლია, დაგიცვათ მეორე ტიპის დიაბეტისგან, პარკინსონის დაავადების, მკერდისა და მსხვილი ნაწლავის სიმსივნისგან, ამტკიცებენ დიეტოლოგები. ბევრისთვის საყვარელი სასმელი კიდევ უფრო სასარგებლო რომ გახდეს, სპეციალისტები რამდენიმე მარტივი რჩევის გათვალისწინებას გვირჩევენ.

პირველ რიგში, ყავას არ დაუმატოთ ხელოვნური დამატკბობლები. შაქრის შემცვლელი სინამდვილეში საკმაოდ მავნებელია. „სჯობს, მათზე საბოლოოდ თქვათ უარი“, - გვირჩევს ჟურნალ "Time"-ის ჯანსაღი კვების ექსპერტი, სინტია სასი.

მეცნიერები ყავაში არც ნატურალური შაქრის დამატების რეკომენდაციას იძლევიან. დასაშვები დოზა ერთი კოვზია.

დიეტოლოგების რამდენიმე მოქმედი რჩევა

დალიეთ წყალი
ვიდრე ყავას დალევთ, დალიეთ ჭიქა წყალი. ეს შეამცირებს ყავისგან შარდმდენ ეფექტს და დეჰიდრატაციის შანსს.

ყურადღებით იყავით რძესთან
თუ რძიან ყავას სვამთ, შეარჩიეთ ის, რომელიც მცენარეულ ან ძროხის ორგანულ რძეს შეიცავს.

დაუმატეთ სანელებლები
დაუმატეთ ყავას დარიჩინი, კოჭა, მუსკატის თხილი ან მიხაკი. ეს სანელებლები დადებითად მოქმედებს ორგანიზმზე, ხდის ყავას უფრო გემრიელს და გაგიმარტივებთ შაქარზე უარის თქმას.

ანა გარელი