გავრცელებული ჰორმონალური დარღვევა ქალებში - საკვერცხეების პოლიკისტოზის სინდრომი - შესაძლოა, უარყოფითად აისახოს ქალისა და მისი შვილების ფსიქიკაზე. ასეთ შედეგამდე მივიდნენ კარდიფის უნივერსიტეტის მკვლევრები.

ამ დაავადების დროს ქალის ორგანიზმში გამოიყოფა საჭიროზე მეტი მამაკაცური ჰორმონი. როგორც კვლევის დროს მეცნიერებმა გაარკვიეს, ქალებში მათი გადაჭარბებული რაოდენობა შესაძლოა დეპრესიისა და ბიპოლარული აშლილობის გამოწვევის მიზეზი გახდეს, მათ შვილებში კი აუტისტური აშლილობის, ჰიპერაქტიურობის სინდრომისა და ყურადღების დეფიციტის პროვოცირებას მოახდენს.



კვლევაში იმ 17 ათასამდე ქალმა მიიღო მონაწილეობა, რომელთაც საკვერცხეების პოლიკისტოზი დაუდგინდათ. აკვირდებოდნენ მათ ფსიქიკას, გარდა ამისა, მეცნიერები აღნიშნავენ, რომ ასეთ ქალებში დიდია აუტისტური პრობლემით ბავშვების დაბადების რისკი.

ანა გარელი