90 იანი წლების დაძაბულ დღეებში იყო დრო, როცა დამღლელ სამუშაოს ყველა თავს ანებებდა და ცისფერი ტელეეკრანების წინაშე სხდებოდნენ. ყველასთვის კარგად ცნობილი "პროსტა მარია", სერიალი, რომელიც ერთდროულად რამდენიმე ოჯახს ერთად კრებდა, აერთიანებდა თაობებს, არიგებდა მტრებს.

ვიქტორია რუფო, მექსიკური მელოდრამის ვარსკვლავი, სერიალის გამოსვლიდან 25 წლის შემდეგაც შესანიშნავად გამოიყურება. თანაც მას სამი შვილი ჰყავს, რომელთაგან ორი ტყუპი 42 წლის ასაკში შეეძინა.

ერთ-ერთ ინტერვიუში მსახიობმა გაამხილა, თუ როგორ მოახერხა მშობიარობის შემდეგ ფორმის დაბრუნება და წლებთან ერთად მისი შენარჩუნება.

მექსიკური დიეტა გათვლილია მხოლოდ 4 დღეზე, წონის დაკარგვა კი უსწრაფესად ხდება - დღეში 1 კგ.

ვიქტორია რუფოს დიეტა

დღე პირველი

საუზმე: 2 ც მოხარშული კვერცხი, 1 ც ფორთოხალი, ჩაი რძისა და შაქრის გარეშე.
სადილი: მუჭა შავი ქლიავის ჩირი.
ვახშამი: 1 ც მოხარშული კვერცხი, 1 ც გრეიფრუტი, მწვანე ჩაი შაქრისა და რძის გარეშე.


დღე მეორე

საუზმე: 20 გ ყველი ან 100 გ უცხიმო ხაჭო, ჩაი უშაქროდ და რძის გარეშე.
სადილი: 1 ც კვერცხი და 1 ც ატამი.
ვახშამი: 200 მლ კეფირი ნორმალური ცხიმიანობით, ვაშლი ან მსხალი.


მესამე დღე

საუზმე: ჩაი უშაქროდ და რძის გარეშე.
სადილი: სალათი ახალი ბოსტნეულით, მცენარეული ზეთითა და 20 გ ყველით.
ვახშამი: 200 მლ რძე ან კეფირი ნორმალური ცხიმიანობით.


დღე მეოთხე

საუზმე: შვრიის ფაფა კენკრით, 200 მლ წვენი უშაქროდ.
სადილი: სალათი ახალი ბოსტნეულით, მცენარეული ზეთითა და 1 ც კვერცხით.
ვახშამი: 2 ც ფორთოხალი ან 1 ც გრეიფრუტი.


მექსიკური დიეტის დაცვა საკმაოდ მარტივია, რადგან ის მხოლოდ 4 დღე გრძელდება, რაციონი კი მრავალფეროვანია. თქვენ უპრობლემოდ დაიკლებთ 3-4 კგს, გაიწმენდთ ნაწლავებს, განთავისუფლდებით ზედმეტი სითხისგან.

მიღებული შედეგის შენარჩუნებაში კი დაბალანსებული კვების რეჟიმი დაგეხმარებათ - მოერიდეთ ტკბილეულს, ცხიმიან და შებოლილ საკვებს.

იყავით მოხდენილები და ჯანმრთელები!

ანა გარელი