შესაძლოა, გაგიკვირდეთ, მაგრამ არის რაღაც, რაც მამაკაცებს სექსზე მეტად უნდათ (15-დან 19 წლამდე ასაკის გამოკლებით), მაგრამ სიამაყე არ აძლევთ ამის თქმის საშუალებას. სპეციალისტების აზრით, დროა, ეს სტერეოტიპი დაინგრეს.
რა უნდა ვუთხრათ მამაკაცს
მამაკაცებს სულაც არ უნდათ ქალების წყენინება.
ქალებს უნდათ, რომ მამაკაცებს მათი ესმოდეთ, მაგრამ თავად რატომღაც სტერეოტიპებს მიღმა გახედვას არ ცდილობენ. მამაკაცებს კი ძალიან სწყდებათ გული, რომ ამის გამო ქალები შეიძლება ვერც კი ჩასწვდნენ ძლიერი სქესის ნამდვილ ბუნებას.
სინამდვილეში მამაკაცებს სინაზე და სიმშვიდე სჭირდებათ. საყვარელი ქალის მსუბუქ შეხებასაც კი შეუძლია არა მარტო გამოუკეთოს გუნება და დარდი შეუმსუბუქოს, არამედ სტიმული მისცეს და თამამი ქმედებებისკენ უბიძგოს. მაგრამ მამაკაცებს ერიდებათ ამაზე ლაპარაკი, რადგან ეშინიათ საყვარელი ქალის თვალში სუსტ და რბილ არსებად არ გამოჩდნენ.
მამაკაცი უნდა გრძნობდეს სიყვარულს. ცნობილია, რომ ურთიერთობებს სწორედ ქალი მატებს ემოციას. შეხების შემდეგ, თავისი მნიშვნელობით მეორე ადგილი უჭირავს სიტყვებს. სიტყვებს შეუძლია მამაკაცი გაცილებით თავდაჯერებული გახადოს და მისთვის სრულიად შეცვალო სამყარო.
მამაკაცებს უნდათ, რომ მათით ინტერესდებოდნენ. საკმარისია ჰკითხოთ, როგორ ჩაიარა დღემ, თავს როგორ გრძნობს. მაგრამ აქ ძალიან დიდი სიფრთხილეა საჭირო. არ არის აუცილებელი, ნამდვილი დაკითხვა მოუწყოთ და დაჟინებით გამოკითხოთ ყველა წვრილმანი. ამით შეიძლება მხოლოდ უარყოფით რეაქციას გამოიწვევთ.
და კიდევ, მამაკაცებს სურთ, რომ მათი მონდომება დააფასონ, სიტყვიერად, რა თქმა უნდა. მას ხომ არ შეუძლია იცოდეს, რას ფიქრობთ თქვენ. ასე რომ, გამოხატეთ სიტყვიერად თქვენი აღფრთოვანება და აზრები.
აი, დაახლოებით, რისი გაგონება სურთ მამაკაცებს:
„მიხარია, რომ აქ მომიყვანე, დიდი მადლობა“.
„ძალიან ყოჩაღი ხარ, ამდენს შრომობ და ცდილობ ჩვენი ოჯახისთვის“.
შეეხონ მხარზე და ჩასჩურჩულონ: „შენ ისეთი კარგი მამა და ქმარი ხარ... ძალიან მიყვარხარ ამისთვის“.
როცა შვებულების საკუთარ ვარიანტს შესთავაზებს, ქალი ნაზად შეეხოს და უთხრას: „რა თქმა უნდა, ძვირფასო, მე შენ გაღმერთებ“.
სამსახურიდან დაბრუნებულს ცოლი კარის ზღურბლთან შეეგებოს სიტყვებით: „სალამი, მიხარია შენი ნახვა“. იდეალურია, თუ ამას ღიმილით გააკეთებს და თან ლამაზ თეთრეულში გამოწყობილი...
როცა მამაკაცი ცუდად გრძნობს თავს, ზედმეტი სიტყვებისა და შეკითხვების გარეშე უთხრას: „ყველაფერი კარგად იქნება!“
ინტიმური ურთიერთობების შემდეგ ყოფით პრობლემებზე საუბრის ნაცვლად აღფრთოვანებულმა ჩასჩურჩულოს: „ნამდვილი ლომი ხარ, საყვარელო“.
რჩევა: სქესის მიუხედავად, ნებისმიერ ადამიანს სურს, მის მიმართ ყურადღებას იჩენდნენ. ქალის და მამაკაცის ურთიერთობას ხშირად სიამაყე აფუჭებს, ამიტომ რომელიმემ უნდა დათმოს და ეს მეტწილად ქალმა უნდა გააკეთოს, ამიტომაც ჰქვია მას სუსტი სქესი. დარწმუნებული იყავით, მოფერება და სინაზე მაინც გააკეთებს თავის საქმეს.
