თანამედროვე მამაკაცები ძალიან შეიცვალნენ, დაიწყეს ჯანსაღი ცხოვრების წესით ცხოვრება, საუბრობენ საკუთარ გრძნობებზე და სილამაზის სალონებსაც ხშირად სტუმრობენ.

ამიტომ, თანამედროვე მამაკაცისთვის იდეალური ქალის ახალი სტანდარტების ფორმულირება მოხდა:

ერთად იოცნებეთ - ოჯახი ველოსიპედივითაა: არ ეცემა მანამ, ვიდრე მოძრაობაშია.

მთავარია ერთად იოცნებოთ და მიზნის მიღწევისთვის იმუშაოთ.

გახდით პარტნიორი
ეს იმას არ ნიშნავს, რომ სასწრაფოდ ოჯახური ბიზნესი უნდა წამოიწყოთ.

თანამედროვე წყვილის დიდხანს შენარჩუნება, სწორედ პარტნიორობას შეუძლია. შეგიძლიათ დაეხმაროთ საყვარელ მამაკაცს საკუთარ საქმიანობაში, რამდენადაც შეძლებთ.

გაუზიარეთ პასუხისმგებლობა
ერთობლივი ცხოვრება საერთო რისკებსაც მოიცავს. მნიშვნელოვანი საკითხების განხილვისას აქტიური მონაწილეობა მიიღეთ.

გაიცინეთ მის ხუმრობებზე
მამაკაცის იუმორის გრძნობა - თავად მამაკაცებისთვისაც ღირებულია.

ნუ დასცინებთ მას
განსაკუთრებით ხალხის წინაშე, რამდენად სასაცილოც არ უნდა იყოს.

მხარი დაუჭირეთ და დაიცავით
მნიშვნელოვანია თქვენი მის გვერდით ყოფნა, მაგრამ ამასთან ჩრდილში უნდა დარჩეთ.

შეიცოდეთ
უბრალოდ მოუსმინეთ, ხმის ამოუღებლად.

თავი სუსტად მოაჩვენეთ
წელიწადში სამჯერ შეგიძლიათ უსუსურად აიჩეჩოთ მხრები და ზლუქუნიც დაიწყოთ. გეშინოდეთ თაგვების, ჭექა-ქუხილის და ა.შ.

ნუ ჩაერთვებით ჩხუბში
მხოლოდ გემრიელი კერძების მომზადება არ აქცევს ადამიანს ბედნიერად. უმჯობესია მამაკაცთან ერთად სულელურ ხუმრობებზე, კოცნასა და სხვა სასიამოვნო განცდებზე მეტი დრო დახარჯოთ, ვიდრე სახლის დალაგებასა და კერძების მომზადებაში.

უმკურნალეთ მას და თქვენს თავსაც
დღეს მოდურია ჯანმრთელად და კარგად გამოიყურებოდეთ. კარგი ცოლი საკუთარი ქმრისთვის პირადი ტრენერი, ექიმი და დიეტოლოგი უნდა გახდეს.

იყავით ყოველთვის ლამაზი
მამაკაცები აფასებენ იმ ძალისხმევას, რომელსაც ქალები მათთვის იღებენ. ამიტომ დრო და დრო ხაზი გაუსვით იმ ფაქტს, რომ რასაც ატარებთ ან იცმევთ, მხოლოდ იმიტომ, რომ მას ასე მოსწონს.

ანა გარელი