როგორ მორთოთ სახლი, რომელი კერძები მოამზადოთ ან როგორი სამოსი შეარჩიოთ, რათა 2017-მა წელმა თქვენს ცხოვრებაში ბედნიერება და სიხარული შემოიტანოს.
ცეცხლოვანი მამლის წელიწადი ზოდიაქოს ყველა ნიშნისგან განსაკუთრებულ ყურადღებას ითხოვს. თუმცა ნუ შეგეშინდებათ მისი მოჩხუბარი ბუნების. მამალი მხოლოდ მათ მიმართაა დაუნდობელი, ვინც უპატივცემულოდ და უსამართლოდ იქცევა.
მთელი წლის განმავლობაში მზად იყავით დიდი ცვლილებებისთვის, რადგან მებრძოლი ჩიტი ყოველთვის იმისკენ ისწრაფვის, რომ
ეს სულაც არ ნიშნავს იმას, რომ მამალი მიმტევებელი იქნება ჩამოუყალიბებელი წყვილების მიმართ - 2017 წლის სიმბოლო მათ მიმართ საკმაოდ მკაცრია და წყვილისგან მოითხოვს ხშირად გადახედონ ერთმანეთის ურთიერთობებს, ვიდრე ერთმანეთთან კავშირს დაამყარებენ. დამდეგი წლის პირველი და მეორე დეკადა ამ წამოწყებებს მხარს დაუჭერს.
მამლის გულის მოსაგებად, 31 დეკემბერს სათანადოდ უნდა შეხვდეთ. გამოთქმა " როგორი განწყობითაც შეხვედბი ახალ წელს, ისე გაატარებ მთელ წელს" ტყუილი არ არის. ეს ნამდვილად მოქმედებს.
სად და ვისთან ერთად უნდა შეხვდეთ 2017 წელს
მამალი შინაური ფრინველია. უყვარს სითბო და სიმყუდროვე. ამიტომ საუკეთესო ვარიანტია ახალ წელს სახლში, ოჯახურ გარემოში შეხვდეთ. სუფრა უხვი უნდა იყოს, მაგრამ არა ზედმეტად. მამალი სტუმართმოყვარე ფრინველია, ამიტომ თითოეულ სტუმარს მცირე საჩუქარი მოუმზადეთ. საახალწლო სუფრის შემდეგ სუფთა ჰაერზე გადით, გაისეირნეთ.
სახლი მორთეთ ისე, როგორც მამალს მოეწონება. ყველაფერი ძალიან მარტივია, მთავარია მამალი თავს სასურველ და ძვირფას სტუმრად გრძნობდეს.
1. მამალი - სოფლის ფრინველია, ამიტომ შეჰმატეთ სოფლის ატრიბუტები, გააკეთეთ დეკორაციული ბუდე და ნუ დაგავიწყდებათ მარცვლეული.
2. მამალი - შინაური ფრინველია, სიმყუდროვისა და სითბოს მოყვარული. ამიტომ სახლში იქონიეთ პლედები, ბალიშები, სალფეთქები, სუფრის გადასაფარებლები, ყველაფერი რაზეც ფიქრობთ, რომ სახლს არა მარტო ლამაზს, არამედ თბილსა და მყუდროს ხდის.
3. გამოიყენეთ მამლის ფიგურები (რაც მეტი იქნება, მით უკეთესი). მოსართავად არავითარ შემთხვევაში არ გამოიყენოთ ბუმბული და კვერცხი, ამას შეუძლია წარმატება მთელი წლის განმავლობაში დაგაკარგინოთ!
როგორ გააფორმოთ საახალწლო სუფრა
1. სუფრისთვის შეარჩიეთ წითელი გადასაფარებელი ან ნებისმიერი ცეცხლოვანი ფერი.
2. თუ გაქვთ ხის ჭურჭელი აუცილებლად გამოიყენეთ.
3. სუფრის მორთვისას შექმენით სოფლის განწყობა. მამალს ეს ძალიან გაახარებს.
რომელი კერძები უნდა იყოს ცეცხლოვანი მამლის საახალწლო სუფრაზე
1. თავი შეიკავეთ ექსტრავაგანტულ კერძებზე, სუფრა იყოს უხვი, მაგრამ გადაჭარბების გარეშე. ყველაფერი უჩვეულო და მდიდრული შეგიძლიათ 1 იანვარს გამოიტანოთ.
2. უპირატესო მიანიჭეთ ვეგეტარიანულ კერძებს. თუ ხორცის გარეშე არ შეგიძლიათ, გახსოვდეთ, რომ ფრინველის ხორცი სუფრაზე არავითარ შემთხვევაში არ უნდა იყოს. ამით მამალს ძალიან გაანაწყენებთ.
3. მამალს ძალიან უყვარს ტკბილეული და ცომეული.
რაც მთავარია, სუფრაზე აუცილებლად უნდა იყოს მამლის ფიგურა ან მისი გამოსახულება, სწორედ ისინი მოგიტანთ ბედნიერებასა და კეთილდღეობას.
როგორ მორთოთ ნაძვის ხე
1. ნაძვის ხე უნდა იყოს ნათელი და ბრჭყვიალა.
2. ბურთები და სათამაშოები, წითელი და ოქროსფერი შეარჩიეთ. ან ეს ფერები უნდა ჭარბობდეს.
3. სათამაშოების გარდა ნაძვის ხის მოსართავად შეგიძლიათ გამოიყენოთ კანფეტები ან მანდარინი.
4. აუცილებლად გაახარეთ მამალი და ნაძვის ხის ქვეშ მოათავსეთ მარცვლეულით სავსე თეფში.
როგორ შეიმოსოთ ახალ წელს
თითქმის ყველა ზოდიაქოს ნიშანს შეუძლია წელს ნათელ და თვალისმომჭრელ სამოსში გამოეწყოს. შეგიძლიათ ჩაიცვათ წითელი-ნარინჯისფერი კაბა. არ დაგავიწყდეთ აქსესუარები. წესები მამაკაცებზეც ვრცელდება, თუმცა თუ წითელ კოსტიუმს არ ჩაიცვამთ, შეგიძლიათ გაიკეთოთ წითელი ჰალსტუხი ან ბანტი.
როგორი მაკიაჟი გაიკეთოთ
სამოსის მსგავსად ნათელ და ექსტრავაგანტულ მაკიაჟზე შეჩერდით. წითელი პომადა, ნათელი ჩრდილები, გაზრდილი წამწამები - ცეცხლოვანი მამლის შესახვედრად იდეაულური არჩევანია.
ლეა ხიმშიაშვილი
