მართალია, ხველების საწინააღმდეგო უამრავი სამედიცინი პრეპარატი არსებობს, მაგრამ ამ უსიამოვნო სიმპტომის დამარცხება ხალხური რეცეპტებითაც შეგიძლიათ. მათ შორის ერთ-ერთია ალზე გამდნარი შაქარი.

ეგრეთ წოდებული დამწვარი შაქარი რბილად მოქმედებს და უმტკივნეულოდ აცხრობს ლორწოვანი გარსის ანთებას, შეიძლება ბავშვების სამკურნალოდაც გამოიყენოთ.

შეგიძლიათ თავად მოამზადოთ საწუწნი აბები თავადაც მოამზადოთ. ალბათ, ბავშვობაში ბევრს უცელქია და "მამალოს" მოსამზადებლად გაზის ალზე კოვზით შაქარი გაუდნია. თუმცა უკეთესი ვარიანტიც არსებობს.

ინგრედიენტები:

1 ჩაის კოვზი ალზე გამდნარი შაქარი.
200 მილილიტრი რძე.
2 ბანანი.

მომზადების წესი:

ჩვეულებრივი შაქარი კოვზით გაზის ალზე გაადნეთ, როცა კრისტალები მთლიანად გადნება და მასა შესქელდება, ჩაასხით მომცრო ქვაბში, დაასხით ერთი ჭიქა ცხელი რძე, დუმატეთ კარგად გაქნილი 2 მწიფე ბანანი და მიიყვანეთ ადუღებამდე, თან შეუჩერებლად ურიეთ. შემდეგ გადმოდგით, ოდნავ შეაგრილეთ და დალიეთ.

სასურველია დალიოთ ძილის წინ, რადგან სასმელი აცხრობს ხველებას და მშვიდად დაგეძინებათ.

დამწვარი შაქარი კარგი ამოსახველებელი საშუალებაა, რძე აძლიერებს ლორწოს გამოყოფას, ბანანი კი ანთებით პროცესს აცხრობს.

სოფიო ბულაური 

წყარო