მათ რიცხვს განეკუთვნებოდა ახალგაზრდა მომღერალი გოგონა ჯილდა დათუაშვილი. ველისციხელი გოგონა გამოჩენისთანავე გახდა საზოგადოების გულთამპყრობელი, მას სიმღერებს უწერდნენ ცნობილი კომპოზიტორები, მის სილამაზეზე დადიოდა ლეგენდები, თუმცა... თუმცა დღეს მის შესახებ, ახალმა თაობამ თითქმის არაფერი იცის.
ჯილდა დათუაშვილი 1946 წელს დაიბადა. ის ბავშვობიდან მღეროდა, ნიჭიერთა შვიდწლედიც დაამთავრა და პატარა ასაკში, არტეკის
ჯილდა დათუაშვილი დიდ სცენაზე ჯემალ ბაღაშვილმა გაიყვანა. პროფესიით ქიმიკოსი გახლდათ.
უკვე 1965-66 წლებიდან გეპეის ორკესტრის წყალობით მისი სახელი ფართო საზოგადოებისთვის გახდა ცნობილი. მისი საკონცერტო ტურნე საქართველოს გარდა ძირითადად შემოფარგლული იყო მოსკოვითა და ლენინგრადით. 1968 წელს კი მას საფრანგეთში ზამთრის ოლიმპიადაზე ჩვენს სპორტსმენებთან ჰქონდა გამოსვლა.
მხოლოდ საესტრადო ცხოვრება და წარმატება არ აკმაყოფილებდა, ის წარმატებით უთავსებდა ერთმანეთს მეცნიერებას და ესტრადას. თუმცა მისი სიცოცხლე ხანმოკლე აღმოჩნდა.
“ჯილდა ნამდვილი საოცრება იყო. ისეთი უშუალო, მგრძნობიარე. სიყვარული ედგა თვალებში და თავადაც სიყვარულად იღვრებოდა. როგორც მომღერალი ხომ განუმეორებელი გახლდათ. გული მწყდება, რომ მისნაირები დღეს იშვიათად იბადებიან. სიმღერა “ჩუმად მითხარი” ჯილდასთვის დავწერე. მისი გარდაცვალების შემდეგ დიდხანს არავის უმღერია. ბოლოს შეასრულეს, მაგრამ... ჯილდა სულ სხვა იყო. ეს სიმღერაც მის სიმღერად დარჩა” - ასე იხსენებდა მას, გამოჩენილი კომპოზიტორი ნოდარ გიგაური.
ჯილდა დათუაშვილი 24 წლის ასაკში თავის სიმსივნით გარდაიცვალა. მომღერლის გარდაცვალების შემდეგ, მასზე მაინც წერდნენ სიმღერებს. “არა ყოფილა ადვილი წარსულის დავიწყება” - უმღეროდნენ ჯილდას გარდაცვალების შემდეგ.
