მომღერალი და ტელეწამყვანი ნინა წკრიალაშვილი ბოლო დროს ინტერვიუებს ერიდება. მისი გადაცემის „პომადას“ დახურვის შემდეგ, ნინა საჯარო სივრცეში აღარ გამოჩენილა. ხანგრძლივი პაუზის შემდეგ, საკუთარი გეგმების და წლევანდელი საზაფხულო თავგადასავლების შესახებ, ნინა პირველად „რეიტინგის“ მკითხველს უამბობს.

- სექტემბრიდან ისევ ვუბრუნდები ტელეეთერს, ამჯერად ჩემი გადაცემა „პომადა“ „რუსთავი 3“-ზე გავა. მინდოდა სხვა ტიპის გადაცემის გაკეთება, მაგრამ ხალხი სწორედ ჩემს ძველ გადაცემას ითხოვს და ხელმძღვანელობასთან შეთანხმებით, ისევ იმ პროექტით დავბრუნდები ეთერში.

- როგორ დაისვენე წელს?
წელს ვერ დავისვენე. სახლში კატები მოვიყვანე და მათ ვერ ვტოვებთ, ამიტომ მე და ჩემი შვილი, სანდრო მონაცვლეობით დავდიოდით დასასვენებლად. საზაფხულო არდადეგები მე და ჩემმა შვილმა კატების გამო ჩავიხშვეთ. ოთხი დღით ვიყავი საბერძნეთში და რამდენჯერმე გრიგოლეთში, ეს იყო წელს ჩემი დასვენება.

- როდიდან შეგიყვარდა კატები?
- ქუჩაში ვიპოვე პატარა კნუტი, სახლში მოვიყვანე, როცა წამოიზარდა მეორე კნუტიც მოვიყვანე, კატებს მარტოობა რომ არ ეგრძნოთ.

- ცნობილია, რომ წელს მამას შეურიგდით...
- კი, შევრიგდით და ძალიან კარგად ვართ.

- ბოლო რამდენიმე თვე სახალხოდ არსად გამოჩენილხართ, რას აკეთებდით ამ პერიოდში?
- 3 თვე მეძინა, დეპრესია მქონდა, ყველა ამერიკულ სერიალს ვუყურე, უამრავი წიგნი წავიკითხე და პრაქტიკულად ნაყოფიერად გამოვიყენე ეს პერიოდი.

- შეყვარებული ხართ?
- კარგად ვარ, მშვენივრად. პირველად ვარ ცხოვრებაში მშვიდად, მივლიან, მიფრთხილდებიან... არაფერში არ ვარ შეზღუდული, არც ზედმეტ კითხვებს მივამს ვინმე და ეს ძალიან კარგია.

- მოვლაში და ზრუნვაში მატერიალურ მხარდაჭერას გულისხმობთ?
- მატერიალური მხარდაჭერა არაფერ შუაშია, ისე ვგრძნობ თავს კომფორტულად და პირველად ვიღებ ცხოვრებაში საჩუქარს ბიჭისგან.