ინსტაგრამ ვარსკვლავი მიმი შელია, სანამ საყოველთაო პოპულარობას მოიპოვებდა, ფეხბურთელ გიორგი ჭანტურიას მეუღლე გახლდათ და საქართველოში სწორედ ასე გაიცნეს.

მიმი და გიორგი მალე დაშორდნენ. ამბობდნენ, რომ წყვილი ერთ-ერთი ცნობილი მამაკაცის გამო დაშორდა, თუმცა, ამ ინფორმაციას ოფიციალურად არც ერთი მხარე არ ადასტურებს.

ქმართან დაშორებული მიმი შელია წავიდა რუსეთში, სადაც მისი ოჯახის წევრები ცხოვრობენ, შემდეგ ინსტაგრამზე ფოტოებისა და საინტერესო ვიდეოების გამოქვეყნება დაიწყო და ინსტაგრამის ვარსკვლავიც გახდა.



პოპულარობას ჭორებიც მოჰყვა. შემდეგ გაირკვა, რომ ჭანტურიამდე, მიმი შელიას „ჯეობარელ“ ირაკლი მარხულიასთან ჰქონდა რომანი. მარხულიამ „პრაიმ ტაიმთან“ ინტერვიუში მიმი შელიას ცხენისკბილა უწოდა.



გიორგი ჭანტურიასთან დაშორების შემდეგ, მიმი შელია რუს ფეხბურთელს, ფიოდორ სმოლოვს გაუმიჯნურდა. წყვილს 9-თვიანი რომანი ჰქონდა, თუმცა, მოულოდნელად დაშორდნენ.


სმოლოვთან დაშორების შემდეგ, მიმი შელია ბერა ივანიშვილთან ერთად გამოჩნდა. ამბობდნენ, რომ ბერას მიმი ლოს-ანჯელესშიც ჰყავდა წაყვანილი, თუმცა, არის თუ არა ხმები მათი რომანის შესახებ მართალი, ამას ოფიციალურად არავინ ადასტურებს.



სულ ცოტა ხნის წინ, რუსული პრესა მიმი შელიასა და ვლადიმირ რამის რომანზე ალაპარაკდა. მიმიმ მის კლიპშიც მიიღო მონაწილეობა, სადაც ეროტიულ კადრებში ითამაშა.

"ჩემთვის წარმოუდგენელი შეგრძნებაა. გულში საოცარი სიამაყე და გულწრფელი გრძნობები მიტრიალებს. ეს ალბომი, რომელიც როგორც მუსიკოსს, ისე წარმოგაჩენს, განსაკუთრებულ ემოციებს მმატებს.

კიდევ უფრო დასაფასებელია ამ ნამუშევრის რეზულტატი, რადგან ვიცი, რა სირთულეები გადალახე ამ ალბომზე მუშაობისას", - წერდა შელია ვლადისლავის კლიპის პრემიერისას.
მას შემდეგ მიმი შელიამ 23 წლის მამაკაცთან ერთად სასიყვარულო ფოტოც გამოაქვეყნა.