რამდენიმე კვირაა ''რუსთავი 2''-ის ეთერში აღარ გადის ''სოციალური ცელი''. დავინტერესდით, დაიხურა გადაცემა, თუ უბრალოდ დროებით შეაჩერეს მუშაობა. გადაცემის ერთ-ერთ წამყვანს, გოჩა თანდარაშვილს რამდენიმე კითხვით მივმართეთ.
- გოჩა, გვიამბე, რა მოხდა, რატომ აღარ გადის გადაცემა ეთერში?
- ბევრი მეც არაფერი ვიცი, მაუწყებლობის ახალი კანონის მიხედვით რეკლამებს ზღუდავენ და ფინანსური არხზე პრობლემები გაჩნდა.
- ახალი კანონი ხომ არ შესულა ჯერ ძალაში?
- როგორც ვიცი, აპრილიდან შევა.
- თქვენი გუნდი
- მე ვრჩები.
- ნიკა ქავთარაძეს და ზაქრო ინწკირველს რა ბედი ეწიათ?
- ზაქრო ''რუსთავი 2''-ში სხვა პროექტებზეც მუშაობს და ნიკას კარგად არ ვიცნობ, მარტო გადაცემის ჩაწერისას ვხვდებოდით ერთმანეთს.
- საავტორო გადაცემა გექნება?
- ეგ ჯერ არ ვიცი. ''კომედი არხზე'' ''მან-სან-კანის'' ჩემპიონატი დავიწყეთ და კიდევ ერთ-ერთი გადაცემის სცენარებზეც ვმუშაობ.
- ამ ახალ კანონს კიდევ რომელი გადაცემა "შეეწირა"?
- ამდენი არ ვიცი. სავარაუდოდ ''ილუზიონი'' აღარ გავა ეთერში. ვხუმრობ, ბოლო დროს ძალიან დაკავებული ვარ და ტელეეკრანს აქტიურად ვეღარ ვადევნებ თვალს.
მერი კობიაშვილი
