რამდენიმე დღის წინ, ამერიკაში მცხოვრები ქართველი ემიგრანტი ცისნამი საყვარლიშვილი სილამაზის კონკურსზე „მის ტურიზმი“, მთავარი პრიზის და „მის სიკეთის“ ტიტულის მფლობელი გახდა.

ამ ფაქტს სოციალურ ქსელში ამერიკაში მცხოვრები ქართველი ემიგრანტები გამოეხმაურნენ, მსახიობმა იუნა შაფათავამ საყვარლიშვილთან დაკავშირებით სკანდალური პოსტი გააკეთა, სადაც მას თაღლითი უწოდა.

ცისნამი საყვარლიშვილმა, როგორც თავად აცხადებს, სცენაზე საქართველოს დროშა გაიტანა, ამ დრომდე არსად ვრცელდება კონკურსის ამსახველი ვიდეორგოლი. უცნაურია, ასევე ის ფაქტიც, რომ საყვარლიშვილი კონკურსში მონაწილეობას, „მის ტურიზმი საქართველოს“ სახელით იღებდა, საქართველოში მსგავსი კონკურსი არ ჩატარებულა. როგორც საყვარლიშვილმა სოციალურ ქსელში განმარტა, მან კონსულტაციები ტურიზმის დეპარტამენტთან და „იმიჯ ცენტრის“ ხელმზღვანელობასთან გაიარა, რადგან საქართველოში მსგავსი კონკურსი არ ტარდება, გადაწყვიტა, რომ „მის ტურიზმი საქართველო 2017“ სწორედ ის არის.

რამდენიმე საათის წინ, ცისნამი საყვარლიშვილს ტიტული ჩამოართვეს. ამის შესახებ სოციალურ ქსელში კონკურსის ორგანიზატორმა დაწერა, მისი განმარტებით ცისნამი საყვარლიშვილს ტიტული შეუსაბამო საქციელის გამო ჩამოერთვა და გვირგვინი სვეტლანა კრამერს გადაეცა. 



ამ ფაქტს სოციალურ ქსელში საყვარლიშვილიც გამოეხმაურა: I got fired by Marcie და გილოცავთ შაფათავასნაირებო, თქვენ გაიმარჯვეთ. იმდენი დასცინეთ, აგინეთ და გულის ამრევი სიტყვები დაწერეთ, ამ კონკურსზე, რომ თქვენს გამო და თქვენი უარყოფითი პოსტების გამო, მე დავისაჯე. კიდევ ერთი ბოროტება გამიკეთეთ, როგორც მაშინ როცა იტალიურ ტელევიზიაში რეკავდით და ჩემზე ეუბნებოდით უსაბუთოს ნუ ამუშავებო.