მიშა სააკაშვილის შესახებ არაერთი სიმღერა მოგვისმენია, მათ შორის, მისი დიდი ხნის თანამებრძოლის, გარემოს დაცვის ყოფილი მინისტრის, გოგა ხაჩიძის "მიშა მაგარია" და შემდეგ უკვე შალვა რამიშვილის "მიშა, დავაი, დასვიდანია" .
მოკლედ, ეროვნულ "ფოლკლორში" საქართველოს მესამე პრეზიდენტის სახელი ძალიან აქტუალურია. წლევანდელი არჩევნების წინ კი ინტერნეტში მიშაზე ახალი სიმღერა გავრცელდა სახელად "მიშას რაა...".
ეს სიმღერა ვინმე სმაილისა და მომღერალ თიელის, ანუ ლევან ჩიჩუას ერთობლივი ნამუშევარია. სიმღერის ტექსტი
"მიშა მაგარია" გადავიდა მოდიდან, ხალხი აღარ გისმენს, გამოდიხარ წყობიდან, სასახლე ჩაგიქრეს, მოძრაობს სანთელით, რაღაცა წაგართვეს, ჩაანაცვლე სასმელით.
"მარშრუტკა" დიდი ხანია, რაც უკვე გავიდა, "კუპალნიკი" არ დაგრჩეს, გელოდება ლაზიკა...
შენც მალე ნახავ, ბუშს და სარკოზს, ახლა ვიღა დაგვაბოლებს და გვაჩუქებს ნატოს.
არადა, ყველას ერთი რამის თქმა გვინდა, ჰოდა მოდით, ერთად ვთქვათ, თქვი, მიშას რაა, ბიძინა!..
"ვეფხისტყაოსანი" სულ ზეპირად იცი, არ გეშლება ბიბლიაზე ერთგულების ფიცი, არადა, როგორ გიყვარს უცნაური მასაჟები, უნგრელები, ფინელები, რუსები და ყაზახები.
მიშა, მიშა, მიშა, დროა უკვე წასვლის, მიშა, მიშა, მიშა, გეფიცები მართლა არ მწყინს!.. ამდენი ხანია ვიცდით და ახლა ყველამ ერთხმად დავიყვიროთ, მეგობრებო. აბა, მოდით, იცით, რაა?.. თქვი მიშას რა, ბიძინა!..
კარგად დაიწყე სტარტი, მაგრამ ფინიში ცუდად დამთავრდა. ვეღარ დადიხარ ჩინურში, შენი ბიუჯეტი უკვე გათავდა. იქით თუ აქეთ, აქეთ თუ იქით, გიჟივით დაფრინავდი, ამდენი ხალხი ნახე, მაგრამ მაინც ვერ დაჭკვიანდი.
რაც გინახავს, ვეღარ ნახავ და მთვარეზე ვეღარ ახვალ. თვითმფრინავი ჩამოგერთვა, ნეტავ, ახლა სადღა წახვალ, არადა, გინდა, არადა, ცდილობ, არადა იცი, არადა ფიქრობ, არადა, გრძნობ, მოვიდა ბიძინა!.."
სიმღერის პოლიტიკურობიდან და აქტუალობიდან გამომდინარე, სავარაუდოდ, მას საკმაოდ ბევრი ადამიანი ნახავს, რადგან ის ახლახან, 26 ოქტომბერს განათავსეს.
იხილეთ ვიდეო
ქეთი მელაძე
სპეციალურად "რეიტინგის" საიტისთვის
