აქვს ანთების საწინააღმდეგო მოქმედება, ამშვიდებს გაღიზიანებულ კანს, იცავს კოლაგენსა და ელასტინს დაშლისგან კოსმეტიკის შეძენისას, ბუნებრივია, ყურადღებას ვაქცევთ მასში შემავალ ინგრედიენტებს, მაგრამ შეიძლება, ბევრმა არ იცოდეს, რას ემსახურება თითოეული.

გაგაცნობთ ზოგიერთ მათგანს:

ალოე ვერა - ატენიანებს და არბილებს კანს, აჩქარებს რეგენერაციის პროცესს, აქტიურად ებრძვის ულტრაიისფერი სხივების მავნე შედეგებს.

ჰიალუროვის მჟავა და კოლაგენი - ეს კომპონენტები წარმოქმნიან დამცავ ფენას, რომელიც ხელს უწყობს კანის ზედაპირზე ტენის შენარჩუნებას.

ვიტამინი E - ბუნებრივი ანტიოქსიდანტი, ხელს უწყობს უჯრედების რეგენერაციას, აფერხებს დაბერების პროცესს, ინარჩუნებს ტენს, იცავს კანს ულტრაიისფერი სხივებისგან.

პანტენოლი - ხელს უწყობს კანის დატენიანებას, არბილებს და იცავს კანს.

მწვანე ჩაის ექსტრაქტი - ერთ-ერთი ყველაზე ძლიერი ბუნებრივი ანტიოქსიდანტი, აქვს ანთების საწინააღმდეგო მოქმედება, ამშვიდებს გაღიზიანებულ კანს, იცავს კოლაგენსა და ელასტინს დაშლისგან.

არგანის, ჟოჟობასა და კარიტეს ზეთი - მაღალი კონცენტრაციით შეიცავენ უჯერ ცხიმმჟავებს, იცავენ კანს გამოშრობისგან, ხელს უწყობენ დაზიანებული კანის შეხორცებას, კანს უფრო მკვრივსა და ელასტიკურს ხდიან.

ჟურნალი ''რეიტინგი''