ზაფხულში მომატებული ოფლიანობა ბუნებრივია, თუმცა თუ ადამიანს ჭარბი ოფლიანობა აწუხებს, სიცხე უფრო მეტ დისკომფორტს შეუქმნის.

მდგომარეობის შესამსუბუქებლად გთავაზობთ რამდენიმე რჩევას:

სახე
თუ სახე ძალიან გიოფლიანდებათ, წყალში გაზავებული 2%-იანი სალიცილის სპირტით გაიწმინდეთ.

ცხიმიანი კანის შემთხვევაში სპირტი და წყალი თანაბარი რაოდენობით გააზავეთ, დანარჩენ შემთხვევაში კი სპირტი ნაკლები რაოდენობის უნდა იყოს.

შეგიძლიათ, ასევე, დღეში 2-3-ჯერ სახეზე კიტრის ნაჭრები წაისვათ.
გახურებული სახე უცებ არ დაიბანოთ, ჯერ პირსახოცით შეიშრეთ და როცა გაგრილდება, ჩამოიბანეთ.

ოფლიანი სახის გაწმენდა სასარგებლოა ტუალეტის ძმრით ან მეოთხედი ჭიქა ოდეკოლონის, 2 სადილის კოვზი სუფრის ძმრისა და მეოთხედი ჭიქა ბორის წყლის ნაზავით.

ხელები
ხელისგულების ოფლიანობის შესამცირებლად ძილის წინ მათზე 2%-იანი სალიცილის სპირტხსნარი ან რეზორცინი წაისვით. ერთ-ერთი საშუალების გამოყენების შემდეგ რამდენიმე წუთით დაელოდეთ, ვიდრე ხელისგულები გაგიშრებათ.

იღლიები
მთავარია, იღლიები ყოველ დილა-საღამოს დაიბანოთ. გარდა ამისა, იღლიები აუცილებლად გაიწმინდეთ ტუალეტის ძმრისა და ოდეკოლონის ნაზავით. ასევე 3%-იანი ფორმალინის ხსნარით ან 2%-იანი რეზორცინის სპირტხსნარით.

თუ არჩევანს ფორმალინზე შეაჩერებთ, კვირაში 2-ჯერ მეტად არ გამოიყენოთ. იღლიების ზემოჩამოთვლილი საშუალებებით გასაწმენდად გამოიყენეთ სველი ბამბის ტამპონი, წინააღმდეგ შემთხვეავაში შეიძლება სითხემ კანი დაგიწვათ.

სოფიო ბულაური