მზის აბაზანები, რა თქმა უნდა, ძალიან სასარგებლოა ჯანმრთელობისთვის, მაგრამ სიფრთხილეა საჭირო, რომ კანი არ დაიწვათ. თუ მაინც ვერ მოახერხეთ თავის დაცვა, ეს რჩევები დაგეხმარებათ.

ალოე
დამწვარ კანზე ახალგამოწურული ალოეს წვენი წაისვით: თანაბარი პროპორციებით გააზავეთ ალოეს წვენი და ადუღებული წყალი. მიღებულ ნაზავში დაასველეთ ხელსახოცი, გაწურეთ და დამწვარ მონაკვეთზე დღეში 1-2-ჯერ, თითო საათის განმავლობაში ყოველ 5-10 წუთში დაიფინეთ.

კომბოსტო
დამწვარ მონაკვეთებზე მჟავე კომბოსტოს ფურცლები დაიფინეთ.

კარტოფილი
რამდენიმე კარტოფილი კანიანად მოხარშეთ, შემდეგ გაფცქვენით და კარგად გაქენით. შეურიეთ იმდენი არაჟანი ან ნაღები, რომ კანზე კარგად წასასმელი კონსისტენცია მიიღოთ. თბილი ნაზავი წაისვთ დამწვარ მონაკვეთებზე და 15-20 წუთის შემდეგ თბილი წყლით ჩამოიბანეთ.

შეგიძლიათ დამწვარზე 20-30 წუთით გახეხილი უმი კარტოფილი დაიდოთ. კარტოფილის მასა დაგიამებთ ტკივილს და არ დაუშვებს წყლულების გაჩენას.
თუ მზეზე დიდხანს ყოფნის შემდეგ ცხვირი შეგიწითლდათ, უხვად მიიფრქვიეთ კარტოფილის სახამებელი.

მწვანე ჩაი
2 სადილის კოვზ მწვანე ჩაის დაასხით 1 ლიტრი მდუღარე წყალი, გააჩერეთ 10-15 წუთით, შემდეგ გადაწურეთ. დაასველეთ მასში ბამბის ქსივილი, დაიფინეთ დამწვარ მონაკვეთზე და გაიჩერეთ 30 წუთით. ასეთი კომპრესი სწრაფად აქრობს ტკივილსა და წვის შეგრძნებას, აცხრობს შეშუპებას.

სოფიო ბულაური