მშრალი და აქერცლილი კანის გამოსაკვლევად და სამკურნალოდ აუცილებლად უნდა მიმართოთ სპეციალისტს, ასევე, კარგი იქნება, თუ ნატურალური ინგრედიენტებითაც დაეხმარებით.

აურიეთ ერთმანეთში 1 ჩაის კოვზი მშრალი მდოგვი და 1 სადილის კოვზი ზეთი, დაუმატეთ ცოტაოდენი ადუღებული წყალი. მიღებული მასა წაისვით სახეზე, გაიჩერეთ 5 წუთით და შემდეგ თბილი წყლით ჩამოიბანეთ.

უფერული მოდუნებული კანის შემთხვევაში შეგიძლიათ სახეზე 4-5 წუთით ჩვეულებრივი მდოგვის ფირფიტები დაიფინოთ. ამ პროცედურის შემდეგ სახეზე აუცილებლად მკვებავი კრემი წაისვით.

კარგად აურიეთ ერთმანეთში ნახევარისადილის კოვზი თაფლი, 2 სადილის კოვზი ზეთი და 2 კვერცხის გული და ოდნავ შეათბეთ. 5-წუთიანი ინტერვალებით რამდენიმე ფენად წაისვით სახეზე. 20 წუთის შემდეგ ნიღაბი ცაცხვის ყვავილის ნაყენში დასველებული ბამბის ტამპონით მოიშორეთ და სახე თბილი წყლით დაიბანეთ.

1 სადილის კოვზი ხაჭო და 1 ჩაის კოვზი თაფლი აურიეთ ერთმანეთში და შეათბეთ ორთქლზე. ნაზავი ძალიან სქელი რომ არ გამოვიდეს, შეგიძლიათ ცოტაოდენი რძე დაუმატოთ. მიღებული მასა წაისვით სახეზე და 15 წუთის შემდეგ თბილი წყლით ჩამოიბანეთ.

სოფიო ბულაური