ტკბილეულით გატაცება მხოლოდ წელის ზომაზე რომ აისახებოდეს, ხუმრობის იქით, ალბათ, არც წავიდოდა საქმე, მაგრამ ზედმეტი შაქარი ადამიანს კლავს, ამ სიტყვის პირდაპირი მნიშვნელობით.

და ამ სიკვდილს ძნელად შეიძლება ვუწოდოთ ტკბილი და უმტკივნეულო. პრობლემა ის არის, რომ ისევე როგორც ალკოჰოლისა და მოწევის შემთხვევაში, მტკივნეული სიმპტომები ნიშნავს, რომ დაავადება ფინიშის ხაზს უახლოვდება და იწყება ნამდვილი ბრძოლა სიცოცხლისთვის.

ტაილანდელი სპეციალისტები მივიდნენ დასკვნამდე, რომ ამ თემაზე შეგონებებს სასურველი შედეგი არ მოაქვს, მაშასადამე დროა უფრო რადიკალურ მეთოდს მივმართოთ.

დღეს მსოფლიო საზოგადოება ინფოგრაფიკის ეპოქაში ცხოვრებს და მკვეთრად რეაგირებს პროვოკაციულ სურათებზე. ამიტომაც სპეციალისტებმა ტკბილეულის მავნე გავლენა სწორედ სურათებით მოგვაწოდეს.

ამ შემაძრწუნებელი გამოსახულებების ავტორი გახლავთ მხატვარი ნათაკუნგ ჯაინგსემი.

არსი საკმაოდ მარტივი და ყველასთვის გასაგებია - ვიდრე ტკბილეულისგან სიამოვნებას ვიღებთ, შინაგანი ორგანოები შეუქცევადად ნადგურდება.

სოფიო ბულაური