სტრიებთან ბრძოლა არც ისე ადვილია, მაგრამ შესაძლებელია. ხალხურ მედიცინაში ქალებისთვის ამ უსიამოვნო პრობლემის საწინააღმდეგო რეცეპტიც აღმოჩნდა. მისი მომზადება ძალიან მარტივია.

ინგრედიენტები:

1 სადილის კოვზი შაქარი.

1 სადილის კოვზი აბუსალათინის ან ზეითუნის ზეთი.

ნახევარი ლიმონის წვენი.

1 კაფსულა Е ვიტამინი.

მომზადების წესი:

აურიეთ ერთმანეთში ყველა ინგრედიენტი ერთგვაროვანი მასის მიღებამდე. მიღებული მასა მსუბუქი წრიული მოძრაობებით წაისვით დაზიანებულ მონაკვეთზე, ვიდრე კანი მასას მთლიანად არ შეიწოვს. კარგი იქნება, თუ სამასაჟე ჯაგრისს გამოიყენებთ, ამით პრობლემურ ზონაში სისხლის ცირკულაციას უფრო გააძლიერებთ.

ჩაიტარეთ ეს პროცედურა ყოველდღე 2-3 წუთის განმავლობაში. ორიოდე კვირის შემდეგ შედეგით კმაყოფილი დარჩებით.

სოფიო ბულაური