მხედველობის დაქვეითება შეიძლება სხვადასხვა მიზეზით იყოს გამოწვეული: ასაკი, არასატანადო კვება, თვალების გადაღლა, სხვადასხვა დაავადება და ბევრი სხვა რამ. რა თქმა უნდა, პირველი ნიშნებისთანავე ექიმს უნდა მიმართოთ, მაგრამ თუ რაიმე მიზეზით ამას ვერ აკეთებთ, იქნებ ხალხური რეცეპტები სცადოთ.

ცნობილია, რომ მხედველობის თვის ყველაზე სასარგებლო პროდუქტია სტაფილო და მოცვი.

მოცვი

კენკრიდან ბინტის ან მარლის მეშვეობით გამოწურეთ წვენი, გააზავეთ გაგრილებული ანადუღარი წყლით პროპორციით 1:2 და ყოველ დილით პირის დაბანის წინ ჩაიწვეთეთ თვალებში 4-5 წვეთი.

მოცვის სუფთა წვენი მდიდარია ვიტამინებით და ძალიან სასარგებლოა. ასე რომ, დარჩენილი წვენი შეგიძლიათ დალიოთ.

სტაფილო

200 მილიგრამ ახალგამოწურულ სტაფილოს წვენს დაუმატეთ 1 ჩაის კოვზი თაფლი და დალიეთ ყოველდღე ერთი თვის განმავლობაში.

მხედველობის გაუმჯობესებას ხელს უწყობს ასევე ოხრახუსი და ჭინჭარი.

ოხრახუში

ერთი სადილის კოვზი ოხრახუშის ფოთოლი ძალიან წვრილად დაჭერით. დაასხით 200 მილიგრამი მდუღარე წყალი, გააჩერეთ ერთი საათით და დალიეთ 2-ჯერ დღეში ჭამამდე ერთი საათით ადრე.

ჭინჭარი

ჭინჭარი მხედველობისთვის ძალიან სასარგებლოა, განსაკუთრებით, თუ დღეში 50 გრამს მაინც მიირთმევთ. არ აქვს მნიშვნელობა რა სახით მოამზადებთ, შეგიძლიათ ნედლი ფოთლები სალათებშიც შეურიოთ.

მხედველობისთვის სასარგებლო პროდუქტები

მხედველობის შესანარჩუნებლად და გასაუმჯობესებლად ძალიან მნიშვნელოვანია რაციონი, რომელშიც აუცილებლად უნდა შედიოდეს:

გარგარი, კვერცხი, ისპანახი, ღვიძლი, სტაფილო - ვიტამინი A.

სუბპროდუქტები, ცეხვილი ხორბლის პური, რძის პროდუქტები - В1, В2, В6, В12.

ვიტამინები.

კენკრა, ბოსტნეული, ხილი (ციტრუსი) - ვიტამინი С.
გაღივებული ხორბალი, ბარდა, არარაფინირებული ზეთი - ვიტამინი Е.
ლობიო, კომბოსტო - ლუთეინი.

სოფიო ბულაური