ტარხუნიანი კერძები აუმჯობესებს მადას, ხელს უწყობს კუჭის წვენის უკეთ გამომუშავებასა და შინაგანი სეკრეციის, მათ შორის სასქესო, ჯირკვლების ნორმალურ მუშაობას.
თანამედროვე მეცნიერებისთვის ტარხუნა საინტერესოა, როგორც კაროტინის შემცველი მცენარე.
ტარხუნა, თავისი სამკურნაო თვისებების წყალობით, ამაგრებს სისხლძარღვების კედლებს, აწესრიგებს ძილს, აქვს მსუბუქი შარდმდენი ეფექტი, ხელს უწყობს ჭიების გამოდევნას.
ტარხუნის ნაყენს იყენებენ ცისტიტის, ართრიტის, მოთენთილობის, რევმატიზმისა და კუჭ-ნაწლავის დაავადებების დროს.
როგორც გარეგანი გამოყენების საშუალებას, ტარხუნას მიმართავენ
ტარხუნის ნაყენს იყენებენ პირის ღრუს სავლებად ლორწოვანი გარსის ანთებითი პროცესების დროს.
გინგივიტისა და სტომატიტის სამკურნალოდ დაფხვნილ ტარხუნას ურევენ ლანოლინში ან ნაღების კარაქში და მალამოს სახით ისვამენ ღრძილებზე. ამ მალამოთი შეგიძლიათ დაიზილოთ მტკივანი ადგილები რადიკულიტის შემთხვევაში; ეგზემისა და დერმატიტის მკურნალობისას კი ამ ნაზავს ცოტაოდენ თაფლსაც უმატებენ.
თუ კბილი გტკივათ, ტარხუნის ნედლი ფოთლები დაღეჭეთ - ტკივილი დროებით გაგიყუჩდებათ.
სოფიო ბულაური
