ზღვის წყალმცენარეებისგან მომზადებული ნებისმიერი ნიღაბი სასიცოცხლო ენერგიას მატებს კანს.

მოცემული რეცეპტის დახმარებით ორი-სამი კვირაში თქვენი წვრილი ნაოჭები შეუმჩნეველი გახდება, სახის კანს კი ჯანმრთელი იერი დაუბრუნდება.

ლამინარიის შეძენა აფთიაქში შეიძლება.

ჩაყარეთ ფინჯანში 2-3 ჩაის კოვზი ხმელი დაქუცმაცებული წყალმცენარეები, დაასხით 4-5 ჩაის კოვზი მდუღარე წყალი, გაქენით ერთგვაროვანი მასის მიღებამდე, ფინჯანს თავზე ლამბაქი დააფარეთ და 5-10 წუთით გააჩერეთ.

შეეცადეთ, ბევრი წყალი არ მოგივიდეთ, თორემ მასა თხელი გამოვა და სახეზე ვერ გაიჩერებთ - ჩამოგეწუწებათ.

თუ ცხიმიანი კანი გაქვთ, მასას რამდენიმე წვეთი ლიმონის წვენი დაუმატეთ, მშრალი კანის შემთხვევაში კი - ნებისმიერი არარაფინირებული ზეთი ან А ან Е ვიტამინი.

მიღბულ მასას კარგად მოურიეთ და თითებით სახეზე წაისვით. გაიჩერეთ 20-25 წუთით, შემდეგ თბილი წყლით ჩამოიბანეთ და დასაძინებლად დაწექით.

როგორც მიხვდით, ნიღაბი უნდა გაიკეთოთ საღამოს, ძილის წინ.

თქვენი კანი დიდი ხნით შეინარჩუნებს ახალგაზრდობას, თუ ამ ნიღაბს 3 კვირის განმავლობაში 3-4-ჯერ მაინც გაიკეთებთ.

სოფიო ბულაური