მომჩვარული ქუთუთოები ერთ-ერთი ყველაზე გავრცელებული კოსმეტოლოგიური პრობლემაა. მისი მოგვარება მხოლოდ პლასტიკურ ქირურგებს შეუძლიათ და საკმაოდ ძვირიც ღირს.

სხვათა შორის, ქუთუთოების ოპერაცია მსოფლიოში ყველაზე ძვირად ღირებული ოპერაციების ათეულში შედის. თუმცა, ხალხურ მედიცინაში ამ პრობლემის მოსაგვარებლადაც გამოინახა რეცეპტი.

დაგჭირდებათ მხოლოდ ახალი კვერცხის ცილა!

მაშ ასე, მოიშორეთ მაკიაჟი და ქუთუთოები ანადუღარი წყლით დაიბანეთ. ათქვიფეთ კვერცხის ცილა ისე, რომ სქელი ქაფი მიიღოთ. გაჟღინთეთ ქაფით ბამბის დისკი ან სპეციალური კოსმეტიკური ღრუბელი და ქუთუთოებზე დაიდეთ. გაიჩერეთ რამდენიმე წუთით. როცა იგრძნობთ, რომ ბამბა ან ღრუბელი ქუთუთოს ეკრობა, კვლავ დაასველეთ ქაფში და დაიდეთ ქუთუთოზე. ასე გაიმეორეთ კიდევ ორჯერ. შემდეგ კი ქუთუთოები, ჩვეულებრივ, წყლით ჩამობანეთ.

ნიღაბი გაიკეთეთ ყოველდღე 5-7 დღის განმავლობაში, სასურველია დილით, რომ ეფექტი მთელ დღეს გაგყვეთ.

სოფიო ბულაური