აყვავებული მცენარეების გარდა, ალერგიის გამომწვევებია ოთახის მტვერი, ცხოველების ბეწვი, ბუმბული, საყოფაცხოვრებო ქიმიკატები, წამლები, სხვადასხვა მცენარის ზეთი და სითბო და სიცივეც კი. ალერგიის ყველაზე გავრცელებული სიმპტომი ძლიერი ქავილია.

შემოგთავაზებთ რამდენიმე ხალხურ რეცეპტს, რომლებიც ალერგიის დროს დაგეხმარებათ.

• ზაფხულში ალერგიულ გამონაყარზე წაისვით ნედლი ღორის ბირკის წვენი (ეს ბალახი თითქმის ყველგან ხარობს და ადვილი ხელმისაწვდომია), ზამთარში კი 1 სადილის კოვზ დაქუცმაცებულ ხმელ ღორის ბირკას დაასხით ერთი ჭიქა წყალი, ადუღეთ 10 წუთის განმავლობაში, შემდეგ გადმოდგით, კარგად შეფუთეთ და გააჩერეთ 30 წუთით. ნახარში გამოიყენეთ საფენების სახით, შეგიძლიათ დაზიანებულ მონაკვეთზე გადაივლოთ კიდეც.

• ალერგიის დროს სისხლის გასასუფთავებლად: 1 სადილის კოვზ ჭინჭრისდედის ყვავილებს დაასხით 1 ჭიქა მდუღარე წყალი, კარგად შეფუთეთ და დააყოვნეთ 1 საათით. შემდეგ გადაწურეთ და დალიეთ 0,5 ჭიქა 4-5-ჯერ დღეში.

• დალიეთ ნიახურის ფესვებისა და ფოთლების ახალგამოწურული წვენი - 1-2 ჩაის კოვზი 3-ჯერ დღეში, ჭამამდე 30 წუთით ადრე.

• 1 სადილის კოვზ დაქუცმაცებულ ნიახურის ნედლ ფესვებს დაასხით 1,5 ლიტრი მდუღარე წყალი, შეფუთეთ და გააჩერეთ 4 საათით. მიიღეთ 1 სუფრის კოვზი 3-4-ჯერ დღეში. ჭამამდე 30 წუთით ადრე.

• 1 სუფრის კოვზ დაკეპილ მჟაუნას ფოთლებს დაასხით 2 ჭიქა წყალი და დაბალ ცეცხლზე 10 წუთის განმავლობაში ადუღეთ. შემდეგ გადმოდგით, შეფუთეთ და გააჩერეთ 1 საათით. შემდეგ გადაწურეთ და მიიღეთ მეოთხედი ჭიქა 4-ჯერ დღეში ჭამამდე 15 წუთით ადრე, მცირე ყლუპებით.

სოფიო ბულაური