ამ პრობლემასთან გამკლავებაში შეგიძლიათ შინაური რეცეპტებიც დაიხმაროთ.
ხელისგულების ჰიპერჰიდროზი (ჭარბოფლიანობა)
• ცხელი
• 1 ლიტრ წყალში მოხარშეთ 4 სადილის კოვზი შვრია (ხარშეთ ნელ ცეცხლზე ერთი საათის განმავლობაში). შემდეგ გადმოდგით. როცა ცოტა გაგრილდება, ჩაყავით ხელები და გააჩერეთ 15 წუთით. შემდეგ ხელები არ დაიბანოთ, უბრალოდ, პირსახოცით შეიშრეთ. პროცედურა ჩაიტარეთ დღეში ერთხელ.
ფეხის ტერფები
• ყოველ დილით, წინდების ჩაცმის წინ, ფეხისგულებზე კარტოფილის სახამებელი მიიფრქვიეთ.
• ყავის საფქვავით დაფქვით გამომშრალი მუხის ქერქი, ფხვნილი დილით მიიფრქვიეთ ფეხისგულებზე, შემდეგ ჩაიცვით წინდები და ასე იარეთ მთელი დღის განმავლობაში.
• ფეხზე თითებშორის ნახეთქების გაჩენისას დაზიანებულ ადგილებზე არყის ხის ნედლი ფოთლები დაიფინეთ და წინდები ჩაიცვით. შუა დღისას ახალი ფოთლები დაიფინეთ.
იღლიები, ტანი
• ერთმანეთში აურიეთ 1 კილოგრამი შვრია და 50 გრამი მუხის ქერქი, დაასხით 5 ლიტრი მდუღარე წყალი და ადუღეთ ნელ ცეცხლზე 20 წუთის განმავლობაში. შემდეგ გადაწურეთ და ნახარში აბაზანაში ჩაასხით. მიიღეთ აბაზანა 20 წუთის განმავლობაში. გაიკეთეთ ყოველდღე.
• თანაბარი რაოდენობით შეურიეთ მარილი და შვრიის ფანტელები. მიღებული მასა მოათავსეთ ორმაგი მარლის ტომსიკაში და ტანის დასაბანად საპნის ნაცვლად გამოიყენეთ.
სახე
• ერთ მუჭა არყის ფოთლებს დაასხით მდუღარე წყალი, გააჩერეთ 10 წუთით. შემდეგ ფოთლები ამოიღეთ, სახეზე დაიფინეთ და ნახევარი საათით წამოწექით. ნაყენი არ გადასხათ, ყინულის ფორმებში ჩაასხით, გაყინეთ და დღის განმავლობაში სახეზე 2-3-ჯერ წაისვით.
• ათქვიფეთ ერთი კვერცხის ცილა, დაუმატეთ 1 სადილის კოვზი სახამებელი და რამდენიმე წვეთი ლიმონის წვენი. მიღებული მასა წაისვით სახეზე და გაიჩერეთ 15 წუთით, შემდეგ ჩვეულებრივად ჩამობანეთ.
სოფიო ბულაური
