დაადვადების შესამსუბუქებლად მნიშვნელოვანია შეგეძლოთ შაკიკისა და ჩვეულებრივი თავის ტკივილის ერთმანეთისაგან გარჩევა. შაკიკის შედეგიანი მკურნალობისთვის აუცილებელია მაპროვოცირებელი ფაქტების აღმოფხვრა -ალკოჰოლი, თამბაქო. ყურადრება მიაქციეთ კვების რაციონს, საერთო ჯანმრთელობას, განსაკუთრებით ფსიქიკურ მდგომარეობას.
შაკიკის მკურნალობისას კარგი იქნება, თუ ხალხურ გამოცდილებასაც გაიზიარებთ. 

• ჩაყავით თავი ცხელი წყლით სავსე ჯამში (წყალი გასაძლისად ცხელი უნდა იყოს, იმდენად, რომ თავი არ დაიწვათ). მეორე ვარიანტი: თავი დახარეთ და შეუშვირეთ ცხელ შხაპს, თითებით გაიკეთეთ იმ ადგილის მასაჟი, სადაც ტკივილი ლოკალიზდება.

• ერთი თავი ხახვი შუაზე გაჭერით, ჩამონაჭერი მხრიდან საფეთქლებზე მიიდეთ და მჭიდროდ შეიხვიეთ - ტკივილი სწრაფად გაგივლით.

• იმავე მეთოდით შეგიძლიათ გამოიყენოთ კომბოსტოს ფურცელიც.

• ერთი კოვზი ნაყინი სასის რბილ ნაწილზე მიიდეთ და ადროვეთ, ვიდრე თავად არ გადნება. ამ მეთოდით გრილდება ჰიპოთალამუსი, რომელიც
გავლენას ახდენს შაკიკის შეტევის პროცესზე.

• ნიკაპის ძვალზე თითებით იპოვეთ პატარა ჩაღრმავებები (ნიკაპის წვეროსკენ ორივე მხარეს) და მსუბუქი მასაჟი გაიკეთეთ - ტკივილი განელდება.
ამ მეთოდით შეგიძლიათ კბილის ტკივილიც გაიყუჩოთ.

• თუ შაკიკის შეტევა ფსიქოლოგიური დაძაბულობის ფონზე დაგეწყოთ, როგორც კი ტკივილს იგრძნობთ, მაშინვე ქაშაყი მიირთვით.

• შეტევის დაწყებისთანავე უმი კარტოფილი გახეხეთ, გამოწურეთ წვენი და დალიეთ მეოთხედი ჭიქა.

სოფიო ბულაური